Hep­dä­niň çar­şen­be gü­ni Şweý­sa­ri­ýa­nyň Sü­rih şä­he­rin­de FI­FA ge­ňe­şi Dün­ýä Ku­bo­gy­na nä­çe ýy­gyn­dy­nyň gat­naş­jak­dy­gynyň kesgitleýän uly mas­la­hat ge­çir­di. Ne­ti­je­de, 2026-njy ýyl­da­ky Dün­ýä çem­pio­na­ty­na 48 ýy­gyn­dy­nyň gat­naş­jak­dy­gy ba­ra­da ka­ra­ra ge­lin­di. FI­FA-nyň pre­zi­den­ti bo­lan gü­nün­den baş­lap, hat­da on­dan öňem, Dün­ýä Ku­bo­gy­na gat­naş­ýan to­par­la­ryň sa­ny­nyň art­dy­ryl­ma­ly­dy­gy­ny hä­li-şin­di bel­leýän Ji­an­ni In­fan­ti­no ahy­ry bu ar­zu­wy­na ýet­di. Ge­çi­ri­len ses ber­li­şik­de ge­ňe­şiň ag­za­la­ry­nyň köp bö­le­gi bir agyz­dan 48 ýy­gyn­dy­nyň Dün­ýä çem­pio­na­tyn­da çy­kyş et­me­li­di­gi ba­ra­da­ky tek­li­bi gol­da­dy­lar. 48 toparyň gatnaşjak 2026-njy ýyl­da­ky Dün­ýä Ku­bo­gy­nyň ge­çi­ril­jek ýe­ri hä­zir­lik­çe bel­li bolman, ol 2019-njy ýyl­da kes­git­le­ner. Ýe­ri ge­len­de aýt­sak, 2018-nji we 2022-nji ýyl­lar­da, de­giş­li­lik­de, Rus­si­ýa­da hem-de Ka­tar­da ge­çi­ril­jek Dün­ýä çem­pio­nat­la­ry­na 32 to­par gat­na­şar.
48 ýy­gyn­dy 3 to­par­dan yba­rat 16 to­par­ça paý­la­nar. Her to­par­ça­da 1–2-nji ýe­ri alan 32 to­par ýa­ry­şy utu­lan-çyk­dy usul­ esa­syn­da do­wam et­di­rer. Du­şu­şyk­la­ryň sa­ny-da 64-den 80-e çy­kar. Ga­ly­ber­se-de, fi­na­la çy­kan to­par­la­ryň oýun sa­nyn­da üýt­geşiklik bol­maz. Fi­na­la çy­kan ýy­gyn­dy­lar ýe­ne-de ozal­ky­sy ýa­ly 7 du­şu­şyk ge­çi­rer­ler. Öň­ki ul­gam­da to­par­ça­da­ky soň­ky oýun­lar birwagt­da baş­la­ýar­dy. Bu bol­sa, umu­my­lyk­da 56 ýaý­lym diý­mek­di. Tä­ze ul­gam­da 80 du­şu­şy­gam dür­li sa­gat­larda ge­çi­ri­ler. Şol birwag­tyň özün­de Dün­ýä Ku­bo­gy­na gat­naş­ýan to­par­la­ryň sa­ny­nyň kö­pel­me­gi umu­my gir­de­ji­ni-de art­dy­rar. My­sal üçin FI­FA 2018-nji ýyl­da Rus­si­ýa­da ge­çi­ril­jek ýa­ry­şyň ýaý­lym we ma­ha­bat­la­ryn­dan 5,5 mil­liard dol­lar gir­de­jä ga­raş­ýar. Ýö­ne 48 to­par­ly Dün­ýä Ku­bo­gyn­da bu gir­de­ji 6,5 mil­liard dol­la­r bolar. Beýleki bir tarapdanam, FI­FA üçin çä­rä­niň çyk­da­jy­sy-da 2 mil­liard dol­lar­dan 2,3 mil­liard dol­lara çykar. Ne­ti­je­de, FI­FA öň­ki ga­zan­ýa­nyn­dan 640 mil­li­on dol­lar ar­tyk­maç gir­de­ji alar.
Fut­bol bo­ýun­ça Dün­ýä Ku­bo­gy 1930-njy ýyl­da 13 to­par bi­len baş­lap­dy. 1982-nji ýy­la çen­li ýa­ry­şa 16 ýy­gyn­dy gat­naş­ýar­dy. 1982-nji ýyl­dan soň, 24 to­par gat­naş­ma­ly edil­di. 1998-nji ýyl­dan bä­ri-de 32 to­par çy­kyş edip gel­ýär. 211 ag­za­sy bo­lan FI­FA-nyň girizen bu uly tä­ze­li­gi bi­len bag­la­ny­şyk­ly aý­ra­ty­nam, Ýew­ro­pa ýurt­la­ry­nyň öň­de­ba­ry­jy klub­la­ry­nyň we­kil­le­ri öz nä­gi­le­lik­le­ri­ni bil­dir­ýän be­ýa­nat­lar bilen çykyş etdiler. Ji­an­ni In­fan­ti­no bol­sa, ola­ra ne­ti­je­de, fi­na­la çy­kan ýy­gyn­dy­la­ryň ýe­ne-de öň­kü­si ýa­ly 7 du­şu­şyk ge­çir­ýän­di­gi­ni, hiç hi­li oňaý­syz tä­si­ri­niň ýok­du­gy­ny, şol san­da mun­dan soň­ky çem­pio­nat­lar­da has-da gy­zyk­ly oýun­la­ryň bol­jak­dy­gy­na ynan­ýan­dy­gy­ny aýt­dy.
Şeý­le­lik­de, 48 ýy­gyn­dy zo­lak­la­ra böl­ünen­de, Azi­ýa bi­len Af­ri­ka­dan gat­naş­jak to­par­la­ryň sa­ny 2 es­sä go­laý ar­tar. Af­ri­ka­dyr Azi­ýa­dan öň 5 topar gat­naş­ýan bol­sa, tä­ze düz­gü­ne gö­rä, ol 8 ýa-da 9 to­pa­ra çy­kar. De­mir­ga­zyk Ame­ri­ka­dan hä­zir­ki wagt­da 3 ýa-da 4 ýygyndy gat­naş­ýar­. In­di ol 6 ýa-da 7 bo­lar. 10 to­par­ly Gü­nor­ta Ame­ri­kanyň bolsa, 6 ýy­gyn­dysyna ygtyýar berler. Häzirki wagtda Ýew­ro­pa­dan 13 mil­li to­par gat­naş­ýar­. Tä­ze düz­gün­na­ma­dan soň, ola­ryň sa­ny-da 16-a çy­ka­ry­lar. Bu ba­ra­da­ky ta­kyk ne­ti­je 9-njy maý­da FI­FA-nyň 67-nji ge­ňe­şin­de bel­li bo­lar.

Gyzykly bolup bilerЕЩЕ ОТ АВТОРА