Ispaniýanyň çempionaty La Ligada 2-nji aýlawa badalga berlip, 19-njy tapgyrda sanawyň lideri Real Madrid myhmançylykda Hetafeden 1-0 asgyn geldi. Madrid regionynyň derbisinde Hetafe toparyna ýeňiş getiren ýeke-täk goly 9-njy minutda Enes Ünal geçirdi. Şeýlelikde, Real Madrid 2022-nji ýyla ýeňliş bilen başlap, Ançelottiniň şägirtleri şu möwsümde 2-nji gezek utuldy.
Atletiko Madridiň Anhel Korreanyň gollary bilen Raýo Wallekanony 2-0 ýeňdi. Şeýle-de Barselona myhmançylykda Malýorkany 1-0 hasabynda utdy. Täze ýyla ýeňiş bilen başlan katalonlara 3 utuk gazandyran goly 44-nji minutda Luuk de Ýong öz adyna ýazdyrdy.
3-nji orunda barýan Betis hem öz meýdançasynda Seltadan 2-0 ýeňildi.
