“Apple”-iň yglan eden täze maglumatlaryna görä, “iOS” amaly ulgamy üçin mobil programma taýýarlaýanlar 2021-nji ýylda jemi 60 milliard dollar girdeji gazandylar. Taýýarlanan mobil programmalar “App Store” arkaly ulanyjylara ýetirilýär. Häzire çenli programma üpjün edijiler jemi 260 milliard dollar gazanypdyrlar. Ýeri gelende bellesek, “Apple”-iň programma dükany “App Store” 2008-nji ýylda işe girizildi. Gysgaça aýdylanda, “iOS” üçin amaly programmalary döredýän döredijiler 2008-2020-nji ýyllar aralygynda jemi 200 milliard dollar we diňe 2021-nji ýylda 60 milliard dollar girdeji gazandy. Ýaýradylan maglumatlara görä, programma dükanyndan programma döredijileriniň girdejilerinde takmynan 34 göterim ösüş gazanylypdyr.
