Dünýäniň iň uly syýahatçylyk platformasy “TripAdvisor” 2022-nji ýylyň iň meşhur syýahatçylyk nokatlaryny mälim etdi. Sanawdaky ýerler platformanyň ulanyjylarynyň baha bermegi bilen bir ýylyň dowamynda taýýarlanypdyr. Sanawa görä, Dubaý iň meşhur syýahatçylyk nokady hasaplanýar. Soňra bolsa, London, Kankun (Meksika) we Bali (Indoneziýa) bar. Sanawyň ilkinji onlugyna Krit (Gresiýa), Rim (Italiýa), Kabo San Lukas (Meksika), Stambul (Türkiýe), Pariž (Fransiýa) we Hurgada (Müsür) giripdir.
Şeýle hem “TripAdvisor” hökman görülmeli ýerleriň sanawyny hem taýýarlapdyr. Bu sanawda Ispaniýanyň Malýorka şäheri bar. Müsüriň paýtagty Kair ikinji, Gresiýanyň Rodos adasy üçünji bolupdyr. Sanawyň ilkinji onlugynda Meksikadaky Maýýa medeniýetiniň ýadygärlikleriniň saklanyp galan Tulum şäheri, Horwatiýanyň Dubrownik şäheri, Ispaniýanyň Ibiza adasy, Günorta Afrikadaky Natal welaýaty, Tanzaniýanyň Aruşa şäheri, Türkiýäniň erozion sütünleri bilen meşhurlyk gazanan Göreme etrapçasy we Gresiýanyň Santorini adasy bar.
