Halkara Aeroportlar Geňeşiniň (ACI) Ýewropa bölümi geçen ýyl sebitiň iň köp gatnawly howa menzilleriniň sanawyny taýýarlady. Sanawda 37 milliona golaý ýolagça hyzmat eden Stambulyň täze aeroporty birinji bolupdyr. 2018-nji ýylda açylan aeroportyň ýolagçylarynyň sany 2020-nji ýylda “COVID-19” pandemiýasy sebäpli 59 göterim azalypdyr. 2021-nji ýylda bu görkeziji 37 göterim artypdyr. Ikinji orny Moskwadaky Şeremetýewo halkara howa menzili eýeläpdir. Bu howa menzili 31 milliona golaý ýolagça hyzmat edilipdir. 26 million 200 müňden gowrak ýolagçy kabul eden Parižiň Şarl De Goll aeroporty üçünji bolupdyr. Sanawda Amsterdamyň Şipol aeroporty (25,492 633) dördünji, Moskwa Domodedowo aeroporty bäşinji (25,065 087), Sabiha Gökçen aeroporty (24,991 916) altynjy, Frankfurt aeroporty (24,812 849) ýedinji, Madrid Baraýas aeroporty (24,119 214) sekizinji, Antalýa aeroporty (21,333 278) dokuzynjy we Londonyň Hitrou aeroporty (19,395 354) onuny bolupdyr.
