Ýew­ro­pa ýurt­la­ry­nyň ag­la­ba­sy­ny te­bi­gy gaz bi­len üp­jün ed­ýän Rus­si­ýa­nyň “Gazp­rom” kom­pa­ni­ýa­sy­nyň bu ba­zar­da­ky pa­ýy yzy­gi­der­li ýo­kar­lan­ýar. Ol 2016-njy ýyl­da 34 gö­te­ri­me deň bol­dy. 2015-nji ýyl­da bol­sa, bu gör­ke­zi­ji 31 gö­te­ri­me ba­ra­bar bo­lup­dy.
– 2016-njy ýyl­da da­şa­ry ýurt ba­za­ry­na ýer­le­nen te­bi­gy ga­zyň möç­be­ri bo­ýun­ça 12,5 gö­te­rim ösüş ga­za­nyl­dy. Ol hem 180 mil­liard ku­bo­metr ga­za go­laý­la­dy – di­ýip, “Gazp­rom”-yň ýol­baş­çy­sy Alek­seý Mil­ler Rus­si­ýa­nyň Pre­zi­den­ti Wla­di­mir Pu­tin bi­len bo­lan du­şu­şy­gyn­da bel­läp geç­di. Şeý­le­lik­de, bir ýy­lyň do­wa­myn­da kom­pa­ni­ýa­nyň Ýew­ro­pa ba­za­ryn­da­ky pa­ýy 3 gö­te­rim art­dy.
2016-njy ýyl­da “Gazp­rom” 420 mil­liard ku­bo­metr te­bi­gy gaz ön­dür­di. Içer­ki ba­za­ry­na ýer­le­nen ga­zyň möç­be­ri 2,3 gö­te­rim, hal­ka ber­len “ma­wy al­ty­nyň” möç­be­ri 5,7 gö­te­rim art­dy. Bu gör­ke­zi­ji­ler ýurt­da gaz üp­jün­çi­li­gi bo­ýun­ça yk­dy­sa­dy ösü­şi ite­ri­ji güýç bo­lup, çy­kyş ed­ýär.
Ýew­ro­pa ibe­ril­ýän te­bi­gy ga­zyň 2017-nji ýyl üçin nyr­hy kes­git­len­di. Onuň müň ku­bo­met­ri 167-171 dol­la­ra deň bo­lar. Bu ba­ra­da “Gazp­rom eks­port” fir­ma­sy­nyň eks­port de­par­ta­men­ti­niň baş­ly­gy­nyň orun­ba­sa­ry Mi­ha­il Mal­gin ha­bar ber­di.
“De­mir­ga­zyk akym-2” gaz ge­çi­ri­ji­si­niň tas­la­ma­sy öz ze­rur­ly­gy­ny gör­kez­di. Ony ge­çen ýyl Ger­ma­ni­ýa­nyň ba­za­ry­na ibe­ri­len te­bi­gy ga­zyň möç­be­ri hem do­ly su­but ed­ýär. Ger­ma­ni­ýa 49,8 mil­liard ku­bo­metr te­bi­gy gaz sa­tyl­dy we bu gör­ke­zi­ji 10 gö­te­rim ýo­kar­lan­dy.
“Gazp­rom” da­şa­ry ýurt ba­za­ry­na te­bi­gy gaz ýer­le­mek ba­bat­da oňat ne­ti­je­ler ga­zan­ma­gy do­wam et­dir­ýär. Her gi­je-gün­diz­de da­şa­ry ýurt ba­za­ry­na 600 mil­li­on ku­bo­metr­den gow­rak te­bi­gy gaz ibe­ril­ýär.
Bu­lar­dan baş­ga-da kom­pa­ni­ýa­nyň ýur­duň çä­gin­dä­ki ug­le­wo­do­rod ýa­tak­la­ry­ny göz­läp tap­mak we ola­ry öz­leş­dir­mek ba­bat­da­ky iş­le­ri hem ýaý­baň­lan­dy­ryl­dy. “Bo­wa­nen­ko­wo” ne­bit­gaz we kon­den­sat ýa­ta­gyn­da iş­ler mak­sat­na­ma esa­syn­da al­nyp ba­ryl­ýar. Onuň go­ry 4,9 tril­li­on te­bi­gy ga­za deň­dir we ony 70 ýy­lyň do­wa­myn­da öz­leş­dir­mek göz öňün­de tu­tul­ýar.
Mun­dan baş­ga-da Rus­si­ýa­nyň ýe­ne-de bir iri ne­bit­gaz kom­pa­ni­ýa­sy “Ros­neft” 2016-njy ýyl­da 210 mil­li­on ton­na ne­bit hem-de 67 mil­liard ku­bo­metr te­bi­gy gaz ön­dür­di. Bu ba­ra­da kom­pa­ni­ýa­nyň ýol­baş­çy­sy Igor Se­çin ha­bar ber­di.

Gyzykly bolup bilerЕЩЕ ОТ АВТОРА