Soňky ýyllarda dürli maksatlar bilen kosmosa gidýän gämileriň sany artýar. Indi kosmosa diňe aragatnaşyk enjamlaryny däl, kosmonawtlary, syýahatçylary we ýükleri daşaýan gämileriň sany hem köpelýär. Geçen ýyl Hytaý 55 raketa uçuryp, jemi 191 tonna ýük iberipdir. Ýurduň Awiasiýa we kosmos bilimi we tehnologiýasy kompaniýasynyň (CASC) ýaýradan maglumatlaryna görä, geçen ýyl 103 kosmos gämisi orbita çykarylypdyr. Ýurt bu ugurda birinji bolupdyr.
ABŞ-nyň uçuran raketalarynyň sany 51 bolup, jemi 403 tonna ýüki kosmos giňişligine çykarypdyr. Ýüküň agramy hasaba alnanda ABŞ birinji bolupdyr.
Geçen ýyl Russiýa 18 raketa uçurypdyr. Olaryň köpüsi Halkara kosmos bekedine kosmonawtlary gatnatmak we ýük äkitmek üçin amala aşyrypdyr. Şeýle hem ýurduň rus raketalary beýleki ýurtlar bilen amala aşyran hyzmatdaşlygyň çäklerinde hem kosmosa uçuryldy. Olar hem hasaba alnanda geçen ýyl jemi 24 raketa uçuşy amala aşyrylypdyr.
Geçen ýyl dünýä boýunça 146 raketa uçurylyp, jemi 1846 kosmos gämisi ýa-da enjamy atmosferanyň daşyna çykarylypdyr. Bu görkeziji kosmos uçuşlarynyň başlan 1957-nji ýylyndan bäri iň köp uçuşyň amala aşyrylan ýyly bolupdyr.
Häzirki wagtda Hytaý Halkara kosmos bekedinden tapawutlylykda aýratyn kosmos stansiýasyny gurýar. Bu stansiýanyň gurluşygyny tamamlamak üçin kosmos uçuşlaryny artdyrdy. Bu maksat bilen Hytaý şu ýylyň dowamynda 6 sany adamly uçuşy amala aşyrar.
