Ýewropa futbolynyň hojaýyny UEFA iň uly klub ýaryşy hasaplanýan Çempionlar Ligasynyň finalynyň Russiýanyň Sankt-Peterburg şäherinden alnyp, Fransiýanyň paýtagty Pariže berlendigini resmi ýagdaýda habar berdi. Şeýlelikde, UEFA Çempionlar Ligasynyň 2021/22 möwsüminiň finaly 28-nji maýda Parižiň golaýyndaky meşhur “Stade de France” stadionynda oýnalar. Bu stadionda final soňky gezek 2000-nji ýylda oýnalyp, Real Madrid Walensiýadan 3-0 üstün çykypdy.
