Russiýa 9-njy aprelden başlap, 52 ýurda howa gatnawyny gaýtadan ýola goýar. Russiýa Federasiýasynyň hökümet başlygy Mihail Mişustiniň gatnaşmagynda geçirilen maslahatda pandemiýa sebäpli yzygiderli çarter howa gatnawlaryna girizilen çäklendirmeleriň ýatyryljakdygy mälim edildi. Şeýle hem Mişustin rus raýatlarynyň birnäçe ýurda çäklendirme bolmazdan gidip biljekdiklerini aýtdy. Hökümet ýolbaşçysynyň sözlerine görä, 9-njy aprelden başlap, Argentina, Hindistan, Hytaý we Günorta Afrika Respublikasyna gatnawlar ýola goýlar.
