“Apple” kompaniýasy “WWDC 2022” (Worldwide Developers Conference/Dünýä boýunça kämilleşdirijileriň maslahatyny) 6-10-njy iýun aralygynda geçiriljekdigini mälim etdi. Maslahat wirtual görnüşde geçiriler, ýöne “Apple Park”-da geçiriljek maslahatyň açylyşyna az sanly myhman kabul ediler. Kompaniýa täze harytlaryny adatça sentýabr ýa-da oktýabr aýynda geçirilýän çärede tanyşdyrýar. Bu maslahat “Apple” kompaniýasynyň enjamlary üçin programmalary işläp taýýarlaýan programmaçylara niýetlenen bolup, şolara dürli maslahatlar berilýär. Kompaniýa käbir ýyllarda bu maslahatyň çäklerinde hem harytlaryny tanyşdyrýar. Soňky gezek 2019-njy ýylda üçünji nesle degişli “Mac Pro” we “Pro Display XDR” tanyşdyrylypdy.
