Hemişelik Bitaraplyk, parahatçylyk söýüjilik we hoşniýetli goňşuçylyk ýörelgeleri esasynda daşary syýasatyny durmuşa geçirýän Türkmenistanyň milli ykdysadyýeti barha ösýär. Ýurdumyzyň ösüşleri, ykdysady kuwwaty halkymyzyň abadan durmuşyna, bagtyýarlygyna gönükdirilýär.

Hä­zir­ki wagt­da «Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022-2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy» üs­tün­lik­li dur­mu­şa ge­çi­ril­ýär. Tä­ze mak­sat­na­ma­da yk­dy­sa­dy­ýe­tiň äh­li ugur­la­ry aý­dyň be­ýan edil­ýär, mö­hüm mak­sat­lar öň­de go­ýul­ýar. Ber­ka­rar Wa­ta­ny­myz­da ga­za­nyl­ýan uly üs­tün­lik­ler, ýe­til­ýän tä­ze sep­git­ler hor­mat­ly Pre­zi­den­ti­mi­ziň be­ýik iş­le­ri­niň, dur­mu­şa or­naş­dy­ryl­ýan be­lent mak­sat­la­ry­nyň ro­waç­lan­ýan­dy­gy­ny gör­kez­di. Ga­za­ny­lan be­ýik ösüş­ler ýur­du­my­zyň aý­dyň ýol­lar­dan bar­ýan­dy­gy­ny we röw­şen gel­je­gi­niň has-da ösüş­li­di­gi­ni dün­ýä aýan et­di.
Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de san­ly yk­dy­sa­dy­ýe­tiň ös­dü­ril­me­gi, san­ly ul­ga­myň giň­den or­naş­dy­ryl­ma­gy döw­re­bap üs­tün­lik­le­ri üp­jün ed­ýär. Ýur­du­my­zyň dür­li pu­dak­la­ryn­da san­ly ul­ga­myň müm­kin­çi­lik­le­ri ýo­kar­lan­ýar, iň döw­re­bap usul­lar ýo­la go­ýul­ýar. Bu bol­sa ösü­şiň tiz­li­gi­ni, iş­le­riň kä­mil­li­gi­ni has-da ýo­kar­lan­dyr­ýar. Şeý­le döw­re­bap iş­le­ri kä­mil alyp bar­mak­da kä­mil hü­när­men­le­riň mö­hüm­di­gi­ni bel­le­mek ge­rek. Şun­da ýaş ne­sil­le­riň döw­re­bap bi­lim­li, ösen aň-dü­şün­je­li bol­ma­gy­ny ga­zan­mak baş mak­sat bo­lup dur­ýar. Şo­nuň üçin hem bi­lim­li ýaş­la­ry ke­ma­la ge­tir­mek, ola­ryň döw­re­bap bi­lim­le­re eýe bol­mak­la­ry­ny ga­zan­mak üçin uly iş­le­riň dur­mu­şa ge­çi­ril­ýän­di­gi­ni hem bel­le­me­li­di­ris.
San­ly teh­no­lo­gi­ýa­la­ry iş­jeň or­naş­dyr­ma­ga we peý­da­lan­ma­ga, ola­ryň esa­syn­da do­lan­dy­ry­şyň döw­re­bap ul­gam­la­ry­ny eme­le ge­tir­mä­ge, elekt­ron se­na­ga­ty ös­dür­mä­ge, şeý­le hem in­no­wa­si­ýa hä­si­ýet­li önüm­çi­lik­le­ri we yk­dy­sa­dy­ýe­tiň tä­ze ugur­la­ry­ny ös­dür­mä­ge uly äh­mi­ýet be­ril­ýär. Hä­zir­ki dö­wür­de dün­ýä döw­let­le­rin­de yk­dy­sa­dy­ýe­tiň äh­li pu­dak­la­ryn­da yl­my taý­dan esas­lan­dy­ry­lan, tä­ze in­no­wa­si­on teh­no­lo­gi­ýa­la­ra we mag­lu­mat-ara­gat­na­şyk en­jam­la­ry­na uly orun be­ril­ýär.
San­ly yk­dy­sa­dy­ýe­tiň or­naş­dy­ryl­ma­gy we ös­dü­ril­me­gi esa­sy önüm­çi­lik-yk­dy­sa­dy iş­le­riň äh­li gör­nüş­le­ri­niň elekt­ron ul­gam­da mer­kez­leş­di­ri­len ter­tip­de do­lan­dy­ryl­ma­gy­ny üp­jün et­mä­ge, yk­dy­sa­dy işiň sub­ýekt­le­ri­niň ne­ti­je­li­li­gi­niň ýo­kar­lan­ma­gy­na, bi­lim­le­riň kä­mil­leş­di­ril­me­gi­ne, ýo­ka­ry teh­no­lo­gi­ýa­ly pu­dak­lar­da tä­ze iş orun­la­ry­nyň dö­re­dil­me­gi­ne giň müm­kin­çi­lik­le­ri aç­ýar.
Hä­zir­ki za­man teh­no­lo­gi­ýa­la­ry­nyň we in­no­wa­si­ýa­la­ryň yk­dy­sa­dy­ýet­de has iç­gin or­naş­dy­ry­lan döw­rün­de san­ly çöz­güt­ler uzak­möh­let­le­ýin yk­dy­sa­dy ösü­şiň we ýo­ka­ry zäh­met ön­dü­ri­ji­li­gi­niň ga­za­nyl­ma­gy­ny üp­jün ed­ýär. Şol bir wagt­da san­ly yk­dy­sa­dy­ýe­tiň ös­dü­ril­me­gi ýur­duň je­mi içer­ki önü­mi­niň dü­zü­min­de mag­lu­mat teh­no­lo­gi­ýa­la­ryň we te­le­kom­mu­ni­ka­si­ýa­la­ryň pa­ýy­nyň art­ma­gy­na, döw­let do­lan­dy­ry­ly­şy­nyň ne­ti­je­li­li­gi­niň ýo­kar­lan­ma­gy­na oňyn tä­sir ed­ýär.
Hä­zir­ki za­man ba­zar yk­dy­sa­dy­ýe­ti şert­le­rin­de ýur­du­my­zy se­na­gat­laş­dyr­mak üçin mö­hüm ädim­ler ädil­ýär. Ýur­du­my­zy dün­ýä­de yk­dy­sa­dy taý­dan kuw­wat­ly döw­le­te öwür­mek üçin ne­ti­je­li iş­ler dur­mu­şa ge­çi­ril­ýär. Ýur­du­myz­da iri se­na­gat dü­züm­li kär­ha­na­la­ryň gur­lup ula­nyl­ma­ga be­ril­me­gi­ne, gaý­ta­dan iş­le­ýän döw­re­bap kär­ha­na­la­ryň işe gi­ri­zil­me­gi­ne, san­ly teh­no­lo­gi­ýa­ly yk­dy­sa­dy­ýe­ti dö­ret­mä­ge, san­ly teh­no­lo­gi­ýa­la­ry önüm­çi­li­ge or­naş­dyr­ma­ga ýa­kyn­dan ýar­dam be­ril­ýär. Bu ugur­da dün­ýä ül­ňü­le­ri­ne la­ýyk gel­ýän döw­re­bap teh­no­lo­gi­ýa­lar­dan peý­da­lan­ma­ga giň müm­kin­çi­lik­ler dö­re­dil­ýär. Bu bol­sa se­na­gat pu­da­gy­nyň bäs­deş­li­ge ukyp­ly­ly­gy­ny ýo­kar­lan­dyr­ma­ga hem-de ne­ti­je­li eks­port müm­kin­çi­li­gi­ni art­dyr­ma­ga giň müm­kin­çi­lik­le­ri dö­red­ýär.
Asu­da­ly­gyň, pa­ra­hat­çy­ly­gyň me­ka­ny bo­lan ýur­du­myz­da umu­ma­dam­zat äh­mi­ýet­li mö­hüm baş­lan­gyç­lar ro­waç al­ýar. Bag­ty­ýar­ly­gyň gu­ja­gyn­da zäh­met çek­ýän hal­ky­myz «Hal­kyň Arkadagly zamanasy» ýy­lyn­da aja­ýyp zäh­met ýe­ňiş­le­ri bi­len gel­je­gi­ni gur­ýar we dö­red­ýär.

Aza­dy AL­MY­RA­DOW,
Türk­men döw­let ma­li­ýe ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА