Nobel baýragy
Şwesiýaly meşhur alym Alfred Nobeliň adyny göterýän bu abraýly baýrak dünýäniň iň abraýly baýraklarynyň biridir. Alym öz oýlap tapyşlarynyň üsti bilen ynsanperwer ylmy tagallalary höweslendirmek isläpdir, şol sebäpli hem baýlygynyň agramly bölegini bu baýragy maliýeleşdirmek üçin sarp edipdir. Nobel baýragy ilkinji gezek 1901-nji ýylda gowşurylyp, häzirki wagtda ykdysadyýet, ekologiýa, himiýa, fizika, parahatçylyk, edebiýat, fiziologiýa we lukmançylyk ugurlary boýunça uly işleri bitiren adamlara berilýär.
Oskar baýragy
Kino äleminiň iň abraýly baýragy bolup, ol 1929-njy ýyldan bäri berilýär. Bu abraýly baýragy almak kino sungatynyň belli aktýorlarynyň, aktrisalarynyň arzyly baýragydyr.
“Grammy” baýragy
Bu baýrak 1959-njy ýyldan bäri aýdym-saz sungaty boýunça görnükli işleri alyp baran sungat ussatlaryna berlip gelinýär. Baýragyň gowşurylyş dabarasy bu sungatyň iň uly baýramçylyk agşamy hökmünde bellidir.
“Booker” baýragy
1969-njy ýyldan bäri edebiýat ugry boýunça gowşurylyp gelinýän bu baýragy almak däl, onuň dalaşgärleriniň sanawyna girmeklik hem uly dereje hasaplanýar. Ol iňlis dilinde ýazylan eserlere berilýär. Hödürlenýän eserler, kitaplar Beýik Britaniýada hem-de Irlandiýada çap edilen bolmalydyr.
Brits baýragy
Meşhur baýrak Beýik Britaniýanyň iň abraýly we ähmiýetli baýraklarynyň biri bolup, ol 1977-nji ýyldan bäri gowşurylyp gelinýär.
“Altyn palma”
Fransiýanyň Kann şäherinde geçirilýän film festiwalynyň çäklerinde gowşurylýan bu baýrak (Palme d’Or) 1955-nji ýylda esaslandyrylýar. Baýraklar 1982-nji ýyldan bäri deňiz kenaryndaky Festiwallar we maslahatlar köşginde (Palais des Festivals et des Congrès) geçirilýär.
“Altyn Globus” baýragy
Kino sungatynyň Oskardan soň 2-nji derejeli baýrak hasaplanýan “Altyn globus” 1944-nji ýyldan bäri gowşurylýar. Baýragyň çäklerinde iň gowy aktýorlara, aktrisalara, filmlere we animasiýalar baýraklar berilýär.
Bafta baýragy
Beýik Britaniýanyň kino we telewideniýe sungaty akademiýasy tarapyndan badalga berilýän bu çäre fewral aýynda geçirilýär.
Pulitzer baýragy
Gazet-žurnal, onlaýn žurnalistika, aýdym-saz we edebiýat ugurlarynda 21 kategoriýa boýunça berilýän bu baýrak belli žurnalist Josef Pulitzer tarapyndan döredildi. Baýragyň gowşurylyş dabaralary ABŞ-nyň çäklerinde geçirilip, ýeňijiler ýörite sertifikat, altyn medal we pul baýraklary bilen sylaglandyrylýar.
Serdar Sopyýew,
Türkmen oba hojalyk institutynyň mugallym
