Ilkinji bölümi 2002-nji ýylda çykan “Buz eýýamy” animasion filmlerini uludan-kiçä hemmeler gowy görendigi üçin onuň dowam filmleri hem peýda bolupdy. Bu multfilm kino sungaty taryhynda iň şowly eserleriň biri boldy. Filmi taýýarlan “Blue Sky Studios” ýapylandygyny mälim edip, hoşlaşyk wideosyny taýýarlady. Animasiýada Ýer ýüzüniň buzlar bilen örtülen döwründe ýaşaýan jandarlaryň başdan geçirýän kynçylyklary gülküli ýagdaýda beýan edilýär. “Disney” kompaniýasy geçen ýyl pandemiýa sebäpli özüne degişli “Blue Sky Studios”-y ýapmak kararyna gelendigini mälim edipdi. “Blue Sky Studios” soňky gezek 2019-njy ýylda “Spies in Disguise” animasiýasyny tomaşaçylara ýetirdi. Emma “Buz eýýamy” ýaly netije gazanmady. Şeýle-de bolsa bu film 171 million dollar kassa ýygymyny alypdy. Ondan soňra “Nimona” atly taslamany taýýarlamaga girişen hem bolsa, pandemiýa sebäpli dowam etdirip bilmedi.
Ýadyňyzda bolsa, filmiň ähli bölümleri Skrat atly belkajygyň öz halaýan hozynyň yzyndan kowalamagy bilen başlaýar. Belka filmiň dowamynda janyndan eý görýän hozuny ýetmek üçin alada edýär. “Blue Sky Studios” ýapylandygyny resmi ýagdaýda yglan edýän hoşlaşyk wideosynda bolsa, belka hozuny iýýär.
