Mobil enjamlar arkaly töleg etmäge mümkinçilik berýän “PayPal” ulgamy kriptopullaryň beýleki elektron gapjyklara we biržalara geçirilip bilinmegine mümkinçilik döredendigini mälim etdi. Kompaniýanyň “Blockchain” kripto we sanly pul birliklerinden jogapkär başlygy Hose Fernandez da Ponte platformada kripto pullaryň satyn alnyp başlananyndan bäri bu aýratynlygyň müşderiler tarapyndan iň köp isleg bildirilýän aýratynlyk bolandygyny aýtdy.
Täze hyzmat ulanyjylarynyň kriptopullaryny beýleki gapjyklara geçirmeklerine mümkinçilik berýär. Bu bolsa, “PayPal”-iň bir ulanyjysynyň beýleki ulanyja sanlyja sekundyň dowamynda kriptopul geçirmegine mümkinçilik berer. Ulanyjylar “Bitcoin”, “Ethereum”, “Bitcoin Cash” we “Litecoin” kriptopullaryndan peýdalanyp bilerler.
“PayPal” 2020-nji ýylda ulanyjylaryna kriptopul satyn almak, satmak we saklamak mümkinçiligini hödürläpdi.
Gurbangeldi Ataýew, Türkmen döwlet maliýe institutynyň talyby
