Angliýanyň “Premier Ligasynyň” çempiony “Mançester Siti” braziliýaly ýyldyzyny ugradyp, angliýaly ýarymgoragçyny düzümine goşdy. Pep Guardiolanyň tälim berýän toparynyň braziliýaly hüjümçisi Gabriel Žesusy “Arsenal” topary transfer etdi. Londonlylar 25 ýaşyndaky oýunçy bilen 5 ýyllyk şertnama baglaşdy. “Arsenal” toparynyň oýunçynyň transfer tölegi hökmünde-de “Mançester Siti” klubuna 45 million funt sterling berer. 2016-njy ýylda “Mançester Sitä” transfer bolan Žesus şäherlileriň düzüminde 236 oýunda 95 gol geçirdi. Žesus “Arsenalyň” şu tomusdaky 4-nji transferidir.
* * *
“Mançester Siti” ozal özara ylalaşyk gazanan futbolçysy Kalwin Fillipsi transfer edendigini resmi ýagdaýda habar berdi. Bu transfer üçin “Lids Ýunaýtede” 42 million, goşmaçalar bilenem jemi 50 million funt sterling tölejek “Mançester Siti” oýunçy bilen 6 ýyllyk şertnama baglaşdy. 26 ýaşyndaky Fillips Hulian Alwares hem-de Erling Holanndan soň “Mançester Sitiniň” şu möwsümdäki 3-nji transferidir. Ol täze toparynda 4-nji belgili köýnekçäni geýer.
