Şu günler 2022-nji ýylda türki dünýäsiniň medeni paýtagty diýlip yglan edilen Türkiýe Respublikasynyň Bursa şäherinde TÜRKSOÝ guramasynyň kinoforumy geçirilýär. Bu foruma Türkmenistandan hem wekiliýet gatnaşýar.
27-31-nji iýul aralygynda geçirilýän forumda Oguzhan adyndaky «Türkmenfilm» birleşigi tarapyndan surata düşürilen “Gyzyl kürte” (režissýory Sahysalyh Baýramow) hem-de “Istärin” (režissýor Arslan Eýeberdiýew) atly filmler türk kino muşdaklarynyň dykgatyna ýetirilýär.
Şu ýyl Wepa Işangulyýewiň «Nejep oglan» atly çeper filminiň Gorkut ara türk dünýäsi kinofestiwalynda görkezilendigini bellemelidiris. Mundan başga-da, ýakyn wagtda “Oguzhan” adyndaky «Türkmenfilm» birleşiginiň Russiýanyň Sankt-Peterburg şäherinde Russiýanyň we GDA gatnaşyjy döwletleriň bilelikdäki kino önümçiligine bagyşlanan halkara maslahatyna, şeýle hem sentýabr aýynda Daşkent şäherinde “Ýüpek ýolunyň düri” atly halkara Daşkent kinofestiwalyna gatnaşmagyna garaşylýar.
