Te­bi­ga­tyň go­ra­gyn­da

Adam­zat ga­dy­my dö­wür­ler­den bä­ri te­bi­ga­tyň baý­lyk­la­ryn­dan tyg­şyt­ly peý­da­lan­mak ba­ra­da dür­li çä­re­le­ri dur­mu­şa ge­çi­rip ge­lýär. Häzirki wagtda bolsa, ýurdumyzda öri meý­dan­la­ry­nyň ösüm­lik ör­tü­gi­ni go­ra­mak, ol ýer­le­ri wag­tal-wag­tal çal­şyp dur­mak, guş­la­ryň we beý­le­ki aw­lan­ýan haý­wan­la­ryň kö­pel­ýän döw­rün­de ola­ryň aw­lan­ma­gyny ga­da­gan et­mek ýa­ly en­çe­me yn­san­per­wer çä­re­ler geçirilýär.
Paý­tag­ty­myz­da we onuň daş-tö­we­re­gin­de hem-de şä­her­ler­dir et­rap­lar­da eki­len agaç na­hal­la­ry, hä­zir­ki wagt­da boý alyp, uly da­ragt­la­ra öw­rül­di. Te­bi­ga­ty­my­zyň bu aja­ýyp gö­zel­li­gi­ni ýan­gyn how­pun­dan go­rap sak­la­mak her bi­ri­mi­ziň mu­kad­des bor­ju­myz­dyr. Şo­nuň üçin hem, to­kaý-se­ýil­gäh zo­lak­la­ryn­da eki­len ar­ça agaç­la­ryň ara­lyk­la­ry gu­ran dür­li ha­şal ot­lar­dan wag­tyn­da aras­sa­la­nyp, sü­rüm iş­le­ri ge­çi­ril­me­li­dir. Her bir bö­lü­nip ber­len çäk­ler il­kin­ji ýan­gyn sön­dü­ri­ji se­riş­de­ler bi­len üp­jün edil­me­li­dir. Ot ýak­maz­lyk ba­ra­da­ky su­rat­ly ýat­la­tma­lar gör­ünýän ýerde go­ýul­ma­ly­dyr. Bö­lü­nen çäk­ler­de ýan­gyn howp­suz­lyk düz­gün­le­ri­niň ber­jaý edi­li­şi­ne ýö­ri­te jo­gap­kär adam­lar bel­len­me­li­dir. Tä­miz ho­wa­ly, akar suw­ly to­kaý-se­ýil­gäh zo­lak­la­ryn­da dynç al­nan­da ze­rur­lyk bo­lan­da ot ýak­mak üçin çä­ge­li ýer ýa-da akar su­wuň go­la­ýy saý­la­nyp alyn­ma­ly­. Ot ýa­kyl­maz­dan öň ot ýa­kyl­jak ýe­riň 15 metr daş-tö­we­re­gi gu­ran ot-çöp­ler­den top­ra­ga çen­li aras­sa­lan­ma­ly­. Ýa­rym metr çuň­luk­da oý ýer­de ýa-da ot ýa­kyl­jak ýer daş­ly bo­lan­da, tö­we­re­gi­ne daş örül­me­li­. Ot­dan peý­da­la­nyp bol­nan­dan soň, suw se­pi­lip ýa-da gum, çä­ge sür­lüp do­ly sön­dü­ril­me­li­.
Köp­çü­lik­le­ýin dynç alyş ýer­le­rin­de sön­dü­ril­me­dik çi­lim, ot­lu­çöp ga­lyn­dy­sy­ny taş­la­mak howp­lu­dyr. Te­bi­ga­tdaky dür­li gör­nüş­li ösüm­lik­le­r howanyň gyzmagy bi­len gurap, ýan­gyn dö­re­mek how­py ýü­ze çyk­ýar. Şol sebäpli dynç alyş ýer­le­rin­de çüý­şe gap­la­ry we aý­na dö­wük­le­ri gal­dy­ryl­ma­ly däl­, se­bä­bi şol aý­na gap­lar Gü­nüň şöh­le­si­niň ug­ru­ny üýt­ge­dip geç­me­gi bi­len ýan­gy­nyň dö­re­me­gi­ne se­bäp bo­lup bil­ýär.
Gö­zel te­bi­ga­ty­my­zyň öri meý­dan­la­ryn­da hem ho­wa­nyň gyz­ma­gy bi­len ýan­gyn dö­re­mek how­py eme­le gel­ýär. Şol se­bäp­li mal­la­ryň su­wa ýa­kyl­ýan gu­ýu­la­ryň 500 metr daş-tö­we­re­gin­de ini 3,5 metr­den az bol­ma­dyk iki sa­ny ara­çäk­ler­de hem-de öri meý­dan­la­ryň we de­mir ýol­la­ryň ýa­ka­la­ryn­da­ky ekin meý­dan­la­ry­nyň daş-tö­we­re­gi ini 10 metr­den az bol­ma­dyk ara­çäk­ler­de sü­rüm iş­le­ri ge­çi­ril­me­li­.
Eýe­çi­li­gi­niň gör­nü­şi­ne ga­ra­maz­dan, eda­ra-kär­ha­na­la­ryň, gu­ra­ma­la­ryň äh­li­si öri meý­dan­lar­da, säh­ra­lar­da, dag­lar­da we to­kaý­lar­da is­len­dik iş­le­ri ge­çi­ren­le­rin­de ýan­gyn howp­suz­lyk düz­gün­le­ri­ni do­ly ber­jaý et­me­li­dir­.

Yh­las Mi­ri­ýew,
Aşgabat şäheriniň Polisiýa müdirliginiň Ýangyn howpsuzlygy bölüminiň döwlet ýangyn gözegçilik bölümçesiniň müdiri, içerki gullugyň kapitany.