Beýik Britaniýanyň Türkmenistandaky ilçihanasy 2023-2024-nji okuw ýyly üçin “Çiwning” (Chevening) talyp hakly maksatnama gatnaşmaga çagyrýar. Bu barada Beýik Britaniýanyň Türkmenistandaky ilçihanasy habar berýär.
Maksatnama Beýik Britaniýanyň hökümeti tarapyndan maliýeleşdirilýär we Birleşen Patyşalykda mugallymlary taýýarlamak we iňlis dilini öwrenmek kurslaryndan başga-da dürli ugurlarda bir ýylyň dowamynda magistr derejesini almaga mümkinçilik berýär.
Talyp haky magistr dalaşgäriniň ulag, ýaşamak we bilim almak üçin zerur bolan ähli çykdajylaryna ýetýär.
Üstünlikli dalaşgärler karýerasynyň başynda ýa-da ortasynda bolmaly we iňlis dilini gowy bilmeli.
Bu talyp hakyndan peýdalanmak isleýänler www.chevening.org/apply web sahypasyndan elektron anketany dolduryp, gatnaşyp bilerler.
Internet arkaly anketany nähili doldurmak barada has giňişleýin maglumaty ýokarda agzalýan web sahypasyndan, Beýik Britaniýanyň ilçihanasynyň saýtyndan: https://www.gov.uk/government/world/turkmenistan ýa-da “www.facebook.com/ukinturkmenistan”, Instagramda “britishhembassyashgabat” jemgyýetçilik torlaryndan alyp bolar.
Başga islendik meseleler üçin Beýik Britaniýanyň şu elektron salgysyna ýüz tutup bilersiňiz: ukembassy.ashgabat@fcdo.gov.uk Anketalary internet arkaly 2022-nji ýylyň 1-nji noýabryna çenli doldurmaly.
