Dün­ýä­niň iň gym­mat kar­ti­na­la­ry­nyň sa­na­wyn­da 1-nji or­ny 2 eser paý­laş­ýar. Ola­ryň bi­ri fran­si­ýa­ly su­rat­keş Pol Go­gi­niň “Na­fea Faa Ipoi­po” (“Ha­çan dur­mu­şa çyk­ýar­syň?”) at­ly ese­ri­dir. 2 sa­ny tai­ti­li gy­zyň su­ra­ty ge­çen ýy­lyň few­ral aýyn­da ka­tar­ly bi­ri ta­ra­pyn­dan sa­tyn al­nyp­dy. Ady mä­lim edil­me­dik şol adam bu meş­hur kar­ti­na üçin ese­ri öň­ki sa­tyn alan eýe­si şweý­sa­ri­ýa­ly Ru­dolf Stae­şe­lin­le­riň maş­ga­la­sy­na 300 mil­li­on dol­lar tö­läp­di. Bu öz­bo­luş­ly ese­ri Pol Go­gin 1892-nji ýyl­da çe­kip ta­mam­lap­dy. Beý­le­ki iň gym­mat kar­ti­na gol­lan­di­ýa­ly abst­rakt eksp­res­sio­niz­miň ägir­di ha­sap­lan­ýan Wil­lem de Ku­nin­giň “In­terchan­ge” at­ly kom­po­zi­ýa­sy bo­lup, ol ge­çen ýy­lyň sent­ýab­ryn­dan bu sa­na­wa şä­rik bol­dy. Bu tä­sin ese­ri Ken­net Si. Grif­fin at­ly ame­ri­ka­ly mil­li­ar­der sa­tyn al­mak üçin De­wid Gef­fen ha­ýyr-sa­ha­wat gu­ra­ma­sy­na 300 mil­li­on dol­lar tö­le­di. Gol­lan­di­ýa­ly Wil­lem de Ku­ning bu ese­ri­ni 1955-nji ýyl­da çe­kip­dir.
Bu iki­sin­den öň­ki re­kord baş­ga bir fran­si­ýa­ly su­rat­çy Pol Se­zan­nyň “Kart oý­na­ýan­lar” at­ly kar­ti­na­sy­na de­giş­li­di. Ony-da 2011-nji ýyl­da ge­çi­ri­len auk­si­on­da ka­tar­ly ady bel­li edil­me­dik şah­sy­ýet 259 mil­li­on dol­la­ra sa­tyn al­dy. Pol Se­zann bu ese­ri­ni we şol bir­wag­tyň özün­de beý­le­ki “Kart oý­na­ýan­lar” kar­ti­na­lar top­lu­my­ny 1890-njy ýyl­lar­da ta­mam­la­dy. Ýo­kar­da gör­ke­zi­len ba­ha­nyň di­ňe bir kar­ti­na de­giş­li­di­gi­ni-de ýat­lad­ýa­rys. 3-nji bas­gan­çak­da ame­ri­ka­ly su­rat­keş Jek­son Pol­lo­kyň kar­ti­na­sy bar. Bu kar­ti­na­nyň ady “Num­ber 17A” bo­lup, ol hem Ken­net Si. Grif­fin ta­ra­pyn­dan sa­tyn alyn­dy. 2015-nji ýy­lyň sent­ýab­ryn­da bo­lup ge­çen auk­si­on­da onuň 200 mil­li­on dol­la­ra sa­tyn al­nan­dy­gy ha­bar ber­lip­di. Su­rat­ke­şiň baş­ga bir ese­ri-de, ýag­ny, “No. 5, 1948” at­ly kar­ti­na­sy-da öň­dä­ki orun­lar­da dur­ýar. Bu sun­gat ese­ri­ni mek­si­ka­ly işe­wür Da­wid Mar­ti­nez 2006-njy ýyl­da 140 mil­li­on dol­la­ra sa­tyn alyp­dyr.
Iň gym­mat kar­ti­na­la­ryň sa­na­wyn­da 5-nji or­ny abst­rakt eksp­res­sio­niz­miň Wil­lem de Ku­ning we Jek­son Pol­lok da­gy bi­len bir ha­tar­da, öň­de­ba­ry­jy we­kil­le­rin­den diý­lip gör­ke­zil­ýän lat­wi­ýa­ly Mark Rot­ho­nyň “No. 6 (Vio­let, Green and Red)” at­ly kar­ti­na­sy eýe­le­ýär. Ge­çen asyr­da ýa­şap ge­çen sun­gat iş­gä­ri­niň bu kar­ti­na­sy­ny 2014-nji ýyl­da rus­si­ýa­ly işe­wür Dmit­riý Ry­bo­low­lew 186 mil­li­on dol­la­ra sa­tyn al­dy. Ba­ha­sy bo­ýun­ça iň gym­mat 6-njy kar­ti­na­sy dün­ýä bel­li gol­land su­rat­çy­sy Remb­rand­tyň 1634-nji ýyl­da çe­ken “Pen­dant port­raits of Ma­er­ten So­ol­mans and Oop­jen Cop­pit” at­ly port­ret ese­ridir. Ol ge­çen ýy­lyň sent­ýab­ryn­da 180 mil­li­on dol­la­ra sa­tyn alyn­dy. Pab­lo Pi­kas­so­nyň “Al­žir­li ze­nan­lar” kar­ti­na­sy 7-nji (179,4 mil­li­on dol­lar), Ame­deo Mo­dig­lia­ni­niň “Nu Couche” at­ly ese­ri 8-nji (170,4 mil­li­on dol­lar) ýer­de dur­ýar. Jek­son Pol­lo­kyň “No. 5, 1948” hem-de Wil­lem de Ku­nin­giň “Wo­man III” at­ly eser­le­ri il­kin­ji on­lu­gy jem­le­ýär.
Dün­ýä­niň iň gym­mat 60 kar­ti­na­sy­nyň ara­syn­da Pab­lo Pi­kas­so­nyň 10 sa­ny ese­ri bar. Kol­lek­sio­ner­ler şol kar­ti­na­lar üçin hä­zi­re çen­li 740 mil­li­on dol­lar pul tö­läp­dir­ler. Sa­naw­da, aý­ra­ty­nam, port­ret su­rat­la­ry­ny çek­mek­de öňe saý­la­nan gol­lan­di­ýa­ly Win­sent Wan Go­guň 7 kar­ti­na­sy bo­lup, ola­ry sa­tyn alan­lar je­mi 360 mil­li­on dol­lar tö­we­re­gi çyk­da­jy edip­dir­ler. Dün­ýä­niň iň gym­mat 60 kar­ti­na­sy diý­len sa­naw­da pop-art sun­gat aky­my­nyň öň­de­ba­ry­jy­la­ryn­dan, 1928–1987-nji ýyl­lar­da ýa­şap ge­çen ame­ri­ka­ly En­di War­ho­lyň hem 7 ese­ri bar. Me­ri­lin Mon­ro­ baradaky çe­ken su­ra­ty – “Ma­ri­lynls” kar­ti­na­sy we “Bir gün ge­le­jek­de hem­me­ler 15 mi­nut­lyk meş­hur bol­jak­dyr” sö­zi bi­len giň­den ta­nal­ýan War­ho­lyň “Eight Elvises” at­ly ese­ri 2008-nji ýyl­da 100 mil­li­on dol­la­ra sa­tyn al­nyp­dyr.
As­lyn­da, hä­zir­ki wagt­da iň gym­mat kar­ti­na Pa­riž­dä­ki Lawr mu­ze­ýin­de sak­lan­ýar. Ol Leo­nar­do Da Win­çi­niň bel­li ba­ha­sy bol­ma­ýan “Mo­na Li­za” kar­ti­na­sy­dyr. Ba­ha­sy 1962-nji ýyl­da 100 mil­li­on dol­lar diý­lip kes­git­le­ni­len kar­ti­na­nyň hä­zir­ki gün­de nyr­hy ju­da ýo­ka­ry – 780 mil­li­on dol­lar tö­we­re­gi diý­lip çak­la­nyl­ýar.

Gyzykly bolup bilerЕЩЕ ОТ АВТОРА