Hytaýyň Baş gümrük gullugy tarapyndan ýaýradylan maglumatlara görä, 2022-nji ýylyň ilkinji sekiz aýynda Russiýa bilen Hytaýyň arasyndaky söwda dolanyşygy 31,4% ýokarlanyp, 117,205 milliard dollar boldy. Hasabat döwründe Hytaý Russiýa 44,256 milliard dollarlyk haryt eksport etdi, bu 2021-nji ýylyň degişli döwri bilen deňeşdirilende 8,5 göterim ýokarydyr. Russiýa Federasiýasyndan Hytaýa eksport 50,7 göterim ýokarlanyp, 72,949 milliard dollara deň boldy.
Aýry-aýrylykda, awgust aýynda iki ýurduň arasyndaky söwda dolanyşygynyň derejesi 19,21 milliard dollar bolup, Russiýadan Hytaýa 11,21 milliard dollarlyk haryt, Hytaýdan Russiýa Federasiýasyna 7,99 milliard dollarlyk haryt ugradyldy. 2021-nji ýylyň ahyrynda Russiýa bilen Hytaýyň arasyndaky söwda 35,8% ýokarlanyp, rekord derejede 146,887 milliard dollar boldy.
Russiýanyň we Hytaýyň liderleri iki ýurduň arasyndaky söwda dolanyşygyny iki esse artdyryp, 2024-nji ýyla çenli ýylda 100 milliarddan 200 milliard dollara çenli artdyrmagy maksat edinýärler. Iki ýurduň arasynda 100 milliard dollarlyk söwda dolanyşygy 2018-nji ýylda gazanylypdy. Iki ýurduň liderleriniň arasynda 4-nji fewralda Pekinde geçirilen gepleşiklerden soň Hytaýyň Prezidenti Si Szinpin Russiýa bilen Hytaýyň arasyndaky söwda dolanyşygyny ýylda 250 milliard dollar artdyrmak baradaky täze maksady öňe sürdi.
Hytaý bilen ABŞ-nyň arasyndaky söwda dolanyşygy
Hytaý Halk Respublikasynyň Baş gümrük gullugy tarapyndan ýaýradylan maglumatlara görä, 2022-nji ýylyň ilkinji sekiz aýynda ABŞ bilen Hytaýyň arasyndaky söwda dolanyşygy 9,5% ýokarlanyp, 514,958 milliard dollara deň boldy.
Maglumatlara görä, ýanwar-awgust aýlarynda Hytaýdan ABŞ-a eksport geçen ýyl bilen deňeşdirilende, 12,2% ýokarlanyp, 397,151 milliard dollar boldy. Şol bir wagtyň özünde ABŞ Hytaýa 117,807 milliard dollarlyk haryt ugradyp, geçen ýylyň degişli döwri bilen deňeşdirilende 1,3% ýokarydyr.
Aýry-aýrylykda, awgust aýynda iki ýurduň arasyndaky söwda dolanyşygy 62,77 milliard dollar boldy, şol sanda Hytaý ABŞ-a 49,77 milliard dollarlyk, ABŞ bolsa Hytaýa 13 milliard dollarlyk haryt eksport etdi. 2021-nji ýylyň ahyrynda Hytaý bilen ABŞ-nyň arasyndaky söwda dolanyşygy 28,7% ýokarlanyp, 755,6 milliard dollar boldy.
