Eýranyň söwda ösüşi guramasynyň başlygy Alireza Peýmanpak sişenbe güni Kaspi sebitinde erkin söwda zolagynyň döredilmegi Eýran üçin 600-700 milliard dollarlyk bazar açyp biljekdigini aýtdy.
-Sebitdäki erkin söwda zolagy (Hazar sebitinde) döredilse, Eýran üçin 600-700 milliard dollarlyk kuwwatly bazar açylar – diýip Peýmanpak aýtdy. Ol IRNA habarlar gullugy bilen söhbetdeşlikde Eýranyň birinji wise-prezidenti Muhammet Mohberiň ýakyn wagtda geçiriljek Hazar ykdysady forumyna gatnaşmakçydygyny belledi. Ikinji Hazar ykdysady forumy 5-6-njy oktýabr aralygynda Moskwada geçiriler. Oňa häkimiýet guramalarynyň wekilleri, Russiýanyň, Azerbaýjanyň, Eýranyň, Gazagystanyň we Türkmenistanyň kompaniýalarynyň wekilleri gatnaşar.
