5-nji oktýabrda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Ahal welaýatyna iş saparyny amala aşyrdy. Bu ýerde döwrebap edara ediş merkeziniň gurluşygyna gözegçilik edýän ýolbaşçylaryň gatnaşmagynda täze guruljak metjidiň ýerleşjek ýeri kesgitlenildi.

Hor­mat­ly Ar­ka­da­gy­myz döw­let Baş­tu­ta­ny­my­zyň tab­şy­ry­gy­na la­ýyk­lyk­da, ýur­du­my­zyň dür­li kün­jek­le­ri­ne iş sa­par­la­ry­ny ama­la aşy­ryp, se­bit­le­ri dur­muş-yk­dy­sa­dy taý­dan ös­dür­mä­ge, ila­tyň ýa­şa­ýyş de­re­je­si­ni ýo­kar­lan­dyr­ma­ga gö­nük­di­ri­len giň möç­ber­li iş­ler bi­len ýe­rin­de ta­nyş­ýar we ola­ryň üs­tün­lik­li ýe­ri­ne ýe­ti­ril­me­gi bi­len bag­la­ny­şyk­ly me­se­le­le­ri öw­ren­ýär.
Hä­zir­ki wagt­da tä­ze mer­kez­de gur­lu­şyk iş­le­ri bat­ly dep­gin­ler­de do­wam ed­ýär. Şun­da ulan­ma­ga tab­şy­ryl­ma­gy me­ýil­leş­di­ri­len des­ga­lar­da­ky iş­le­riň ýo­ka­ry hil de­re­je­sin­de al­nyp ba­ryl­ma­gy­na, ola­ryň öz wag­tyn­da ta­mam­la­nyl­ma­gy­na mö­hüm äh­mi­ýet be­ril­ýär.
Ahal we­la­ýa­ty­nyň mer­ke­zi­niň gur­lu­şy­gy bo­ýun­ça döw­let ko­mi­te­ti­niň baş­ly­gy D.Ora­zow we Ahal we­la­ýa­ty­nyň tä­ze, döw­re­bap eda­ra ediş mer­ke­zi­niň şä­he­ri­niň hä­ki­mi Ş.Dur­dy­ly­ýew hormatly Arkadagymyz Gurbanguly Berdimuhamedowy mer­ke­ziň çä­gin­de gu­rul­ma­gy me­ýil­leş­di­ril­ýän tä­ze met­ji­diň bi­na­sy, onuň be­zeg aý­ra­tyn­lyk­la­ry bi­len bag­la­ny­şyk­ly tas­la­ma­lar hem-de tä­ze met­ji­diň ýer­leş­jek ýe­ri­niň çyz­gy­la­ry bi­len ta­nyş­dyr­dy­lar.
Türk­men hal­ky öz mil­li däp-des­sur­la­ry­ny, me­de­ni gym­mat­lyk­la­ry­ny asyr­lar­bo­ýy sak­lap we go­rap gel­ýär. Ys­lam di­ni hal­ky­my­zyň me­de­ni gym­mat­lyk­la­ry­nyň aý­ryl­maz bö­le­gi­dir di­ýip bel­le­mek bi­len, ha­jy Ar­ka­da­gy­myz bu ýer­de bi­na edil­jek met­ji­diň gur­lu­şy­gy bi­len bag­la­ny­şyk­ly tas­la­ma­la­ry hem-de çyz­gy­la­ry syn­lap, türk­men hal­ky­nyň asyl­ly ýö­rel­ge­le­re yg­rar­ly­dy­gy­ny ala­mat­lan­dyr­ýan äh­li gur­lu­şyk iş­le­ri­niň hä­zir­ki za­ma­nyň ösen ta­la­by­na la­ýyk de­re­je­de al­nyp ba­ryl­ma­ly­dy­gy­na ün­si çek­di.
Hor­mat­ly Ar­ka­da­gy­myz hä­zir­ki dö­wür­de jem­gy­ýe­tiň azat­ly­gy­ny, hal­ky­my­zyň er­kin we bag­ty­ýar dur­mu­şy­ny üp­jün et­me­giň özyg­ty­ýar­ly döw­le­ti­mi­ziň alyp bar­ýan sy­ýa­sa­ty­nyň esa­sy ugur­la­ry­nyň bi­ri­di­gi­ni bel­läp, tä­ze met­ji­diň mer­ke­ziň bi­na­gär­lik keş­bi bi­len bir bi­te­wi saz­la­şy­gy eme­le ge­tir­me­gi­niň, onuň ýa­na­şyk ýer­le­ri­niň ta­la­ba­la­ýyk aba­dan­laş­dy­ryl­ma­gy­nyň wa­jyp­dy­gy­ny bel­le­di.
Soň­ky ýyl­lar­da ýur­du­my­zyň äh­li we­la­ýa­tyn­da döw­re­bap met­jit­ler gur­lup ulan­ma­ga be­ril­di. Sa­ha­wat­ly Ahal top­ra­gyn­da tä­ze met­ji­diň gu­rul­ma­gy ga­dy­my­ýet­den göz­baş al­ýan mil­li däp-des­sur­la­ry­my­zyň my­na­syp do­wam et­di­ril­ýän­di­gi­niň we ös­dü­ril­ýän­di­gi­niň ýe­ne-de bir su­but­na­ma­sy­dyr. Ys­lam di­ni adam­la­ry ha­lal­ly­ga, yn­san­per­wer­li­ge, päk ýü­rek­li­li­ge, ýag­şy­ly­ga ça­gyr­ýar. Şo­ňa gö­rä-de, so­gap iş­le­riň amal bol­ýan ýe­ri­niň – met­ji­diň gur­lu­şy­gy­na döw­let ta­ra­pyn­dan aý­ra­tyn üns be­ril­ýär. Ha­jy Arkadagymyz bu ba­ra­da­ky gür­rü­ňi do­wam edip, met­ji­diň gur­lu­şy­gy­na, onuň mäh­ra­by­nyň ýer­leş­jek ýe­ri­ni kes­git­le­mä­ge din we­kil­le­ri hem-de il sy­lag­ly ýa­şu­lu­lar bi­len mas­la­hat­la­şyp baş­lan­ma­gy­nyň mak­sa­da­la­ýyk bol­jak­dy­gy­na ün­si çek­di. Şun­da met­ji­diň iç­ki be­zeg aý­ra­tyn­lyk­la­ry­na mö­hüm äh­mi­ýet be­ril­me­li­di­gi, gur­lu­şyk­da ula­nyl­ýan gur­lu­şyk we be­zeg se­riş­de­le­ri­niň hil de­re­je­si­niň, amat­ly­ly­gy­nyň hä­zir­ki za­ma­nyň ösen ta­lap­la­ry­na la­ýyk gel­me­li­di­gi bel­le­nil­di.
Ýa­kyn­da ýur­du­my­zyň we­kil­çi­lik­li to­pa­ry­nyň Ýa­po­ni­ýa­da iş sa­pa­ryn­da bo­lan­dy­gy­ny bel­läp, Gahryman Arkadagymyz bu ýur­duň gur­lu­şyk-bi­na­gär­lik ba­bat­da ösen tej­ri­be­si­niň, şeý­le-de yl­myň ga­za­nan­la­ry­nyň we bu ugur bo­ýun­ça san­ly ul­ga­myň Ahal we­la­ýa­ty­nyň tä­ze mer­ke­zi­niň gur­lu­şy­gyn­da iş­jeň ula­nyl­ma­gy­nyň äh­mi­ýet­li bol­jak­dy­gy­na ün­si çek­di. Şol bir wag­tyň özün­de, türk­men top­ra­gyn­da bi­na edil­ýän dür­li mak­sat­ly des­ga­la­ryň gur­lu­şy­gyn­da tä­ze­çil usul­lar­dan peý­da­lan­ma­gyň ze­rur­dy­gy nyg­tal­dy.
Ta­ry­hyň do­wa­myn­da türk­men hal­ky dün­ýä me­de­ni­ýe­ti­niň ösü­şi­ne uly go­şant goş­mak bi­len bir ha­tar­da, hal­ky­my­zyň mil­li bi­na­gär­lik ýö­rel­ge­le­ri­ni hem ös­dü­rip­dir. Şun­da «Al­la­nyň öýi» ha­sap­lan­ýan met­jit­le­riň gur­lu­şy­gy­na mö­hüm äh­mi­ýet ber­lip­dir di­ýip, ha­jy Ar­ka­da­gy­myz hä­zir­ki dö­wür­de bi­na­gär­li­giň mil­li ýö­rel­ge­le­ri­niň ýur­du­my­zyň şä­her­le­ri­niň hem-de oba­la­ry­nyň keş­bin­de öz be­ýa­ny­ny tap­ýan­dy­gy­ny, bi­na edil­ýän tä­ze oba­lar­da we şä­her­ler­de, ýa­şa­ýyş jaý top­lum­la­ryn­da met­jit­le­riň gu­rul­ma­gy­na aý­ra­tyn äh­mi­ýet be­ril­ýän­di­gi­ni bel­le­di. Mu­nuň özi asyr­lar aşyp gel­ýän ýag­şy des­sur­la­ryň hä­zir­ki dö­wür­de my­na­syp do­wam et­di­ril­ýän­di­gi­niň no­bat­da­ky be­ýa­ny­dyr.
Ha­jy Ar­ka­da­gy­myz her ýy­lyň 6-njy okt­ýab­ryn­da ýur­du­myz­da Ha­ty­ra gü­nü­niň bel­le­nil­ýän­di­gi­ni aý­dyp, 7-nji okt­ýabr­da bol­sa mer­kez­de tä­ze gu­rul­jak met­ji­diň ýer­leş­jek ýe­ri­niň kes­git­le­nil­me­gi my­na­sy­bet­li, özü­niň ýa­zan ki­tap­la­ry üçin dü­şen ga­lam ha­ky­nyň se­riş­de­le­ri­niň ha­sa­by­na toý sa­da­ka­sy­nyň be­ril­jek­di­gi­ni bel­le­di.
Gah­ry­man Ar­ka­da­gy­myz toý sa­da­ka­sy­nyň be­ril­me­gi­niň ägirt uly baş­lan­gyç­la­ryň ama­la aşy­ryl­ma­gy­na hem­me­ta­rap­la­ýyn çe­me­le­şil­ýän­di­gi­ni, hal­ky­my­zyň ag­zy­bir­li­gi­niň we je­bis­li­gi­niň, yn­san­per­wer­lik ýö­rel­ge­le­ri­niň, ru­hy gym­mat­lyk­la­ryň do­wa­mat­ly­ly­gy­ny ala­mat­lan­dyr­ýan­dy­gy­ny nyg­ta­dy. Ýur­du­my­zyň dur­mu­şyn­da mö­hüm äh­mi­ýe­ti bo­lan şan­ly wa­ka­la­ryň, döw­let­li tu­tum­la­ryň hor­ma­ty­na toý sa­da­ka­la­ry­nyň be­ril­me­gi asyl­ly dä­be öw­rül­di. Bu bol­sa be­ýik mak­sat­la­ryň üs­tün­lik­le­re bes­len­me­gin­de örän mö­hüm­dir.

Gyzykly bolup bilerЕЩЕ ОТ АВТОРА