Şu gün Da­şo­guz we­la­ýa­ty­nyň gün­sa­ýyn gö­zel­leş­ýän gör­ka­na mer­ke­zin­de türk­men we öz­bek halk­la­ry­nyň dost­luk fes­ti­wa­ly öz işi­ne baş­la­ýar. Fes­ti­wa­lyň açy­lyş da­ba­ra­sy­na Türk­me­nis­ta­nyň Pre­zi­den­ti Ser­dar Be­di­mu­ha­me­dow hem-de Öz­be­gis­tan Res­pub­li­ka­sy­nyň Pre­zi­den­ti Şaw­kat Mir­zi­ýo­ýew öz Gut­lag­la­ry­ny iber­di­ler.
Düýn dost­luk fes­ti­wa­ly­na gat­naş­mak üçin muh­man­lar Da­şo­gu­za gel­di­ler. Toý da­ba­ra­la­ry ýa­kym­ly duý­gu­lar, şat­lyk­ly pur­sat­lar bi­len baş­lan­dy. Hoş­ni­ýet­li goň­şu­çy­lyk hem myh­man­sö­ýer­lik däp­le­ri bi­len nur­lan­ýan sun­gat baý­ram­çy­ly­gy iki hal­kyň kö­pa­syr­lyk dost-do­gan­lyk gat­na­şyk­la­ry­ny pug­ta­lan­dyr­mak­da, mil­li öwüş­gin­le­re baý me­de­ni­ýe­ti­ni, sun­ga­ty­ny tä­ze de­re­je­de ös­dür­mek­de, bu ugur­da hyz­mat­daş­ly­gy has çuň­laş­dyr­mak­da tä­ze müm­kin­çi­lik­le­ri aç­ýar.
Hä­zir­ki dö­wür­de iki döw­le­tiň ara­syn­da­ky dost-do­gan­ly­ga, öza­ra bäh­bit­li­li­ge esas­lan­ýan gat­na­şyk­lar has iş­jeň hä­si­ýe­te eýe bol­ýar. Äh­li ugur­lar bo­ýun­ça hyz­mat­daş­ly­gyň saz­la­şyk­ly ös­ýän döw­rün­de ýo­ka­ry gu­ra­ma­çy­lyk de­re­je­sin­de baş­la­nan dost­luk baý­ram­çy­ly­gy yn­san­per­wer­lik ýö­rel­ge­le­ri­ni, me­de­ni-mi­ra­sy, sun­ga­ty saz­la­şyk­ly ut­gaş­dyr­mak­da hem-de baý­laş­dyr­mak­da uly äh­mi­ýe­te eýe­dir. Fes­ti­wa­la goň­şy döw­let­den me­de­ni­ýet iş­gär­le­ri, teatr we ki­no, ama­ly-ha­şam sun­ga­ty­nyň we­kil­le­ri, aý­dym-saz, tans to­par­la­ry gel­di­ler. Toý da­ba­ra­la­ry düýn türk­men we öz­bek sun­gat us­sat­la­ry­nyň, ýa­zy­jy-şa­hyr­la­ry­nyň, me­de­ni­ýet iş­gär­le­ri­niň dün­ýä si­wi­li­za­si­ýa­sy­nyň iň ga­dy­my ojak­la­ry­nyň bi­ri bo­lan Kö­ne­ür­gen­jiň ta­ry­hy ýa­dy­gär­lik­le­ri­ne ge­ze­len­jin­den baş­lan­dy. Bu ga­dy­my me­ka­nyň ta­ry­hy keş­bi myh­man­lar­da aý­ra­tyn tä­sir gal­dyr­dy.
Sun­gat baý­ram­çy­ly­gy­nyň toý­ly gün­le­rin­de we­la­ýat mer­ke­zin­dä­ki «Türk­me­niň ak öýi» bi­na­syn­da iki ýur­duň ama­ly-ha­şam we zer­gär­çi­lik sun­ga­ty­nyň eser­le­ri­niň ser­gi­si gu­ra­lar. Da­şo­guz şä­he­rin­dä­ki Nur­mu­ham­met An­da­lyp adyn­da­ky saz­ly-dra­ma te­at­ryn­da Öz­be­gis­ta­nyň Ho­rezm we­la­ýa­ty­nyň ugur­daş te­at­ry­nyň Aly­şir No­wa­ýy­nyň «Leý­li — Mej­nun» ese­ri esa­syn­da sah­na­laş­dy­ran «Kaýs» spek­tak­ly, de­mir­ga­zyk se­bi­tiň sah­na us­sat­la­ry­nyň taý­ýar­lan «Yg­rar ata­şy» at­ly oý­ny giň to­ma­şa­çy­lar köp­çü­li­gi­ne gör­ke­zi­ler. We­la­ýa­tyň S.A.Ny­ýa­zow adyn­da­ky et­ra­by­nyň Al­tyn ýol ge­ňeş­li­gi­niň Di­le­war oba me­de­ni­ýet öýün­de türk­men we öz­bek ki­no sun­ga­ty­nyň us­sat­la­ry bi­len ge­çi­ril­jek dö­re­di­ji­lik du­şu­şy­gy ýa­kym­ly pur­sat­la­ra bes­le­ner. To­ma­şa­çy­lar tä­ze dü­şü­ri­len türk­men we öz­bek film­le­ri­ne to­ma­şa eder­ler.
Da­şo­guz top­ra­gyn­da ba­dal­ga alan dost­luk fes­ti­wa­ly do­gan­lyk halk­la­ryň me­de­ni gat­na­şyk­la­ry­nyň bar­ha pug­ta­lan­ýan­dy­gy­nyň aý­dyň şöh­le­len­me­si­dir.

Gyzykly bolup bilerЕЩЕ ОТ АВТОРА