Dün­ýä jem­gy­ýet­çi­li­gi­niň uly sa­byr­syz­lyk bi­len ga­raş­ýan saý­la­wy­nyň wag­ty ge­lip ýet­di. Er­tir Ýew­ro­pa­nyň esa­sy döw­let­le­ri­niň bi­ri ha­sap­lan­ýan Fran­si­ýa­da pre­zi­dent saý­law­la­ry ge­çi­ril­ýär. Saý­law­la­ryň bi­rin­ji tapgy­ry 23-nji ap­rel­de bo­lar. Hä­zi­re çen­li pre­zi­dent saý­la­wy­nyň da­laş­gär­le­ri­niň ara­syn­da öňe saý­la­nany ýok. Ýur­duň iri kom­pa­ni­ýa­la­ry ta­ra­pyn­dan ge­çi­ri­len pi­kir so­raş­ma­la­ryň ne­ti­je­le­ri­ne se­re­de­niň­de, Em­ma­nu­el Mak­ron hem-de Ma­rin Le Pen beý­le­ki bäs­deş­le­rin­den bir­ne­me öňe saý­lan­ýar. Pi­kir so­raş­ma­lar­da Mak­ron bi­len Le Pe­niň ga­za­nan ses­le­ri­niň ara­ta­pa­wu­dy 1 gö­te­ri­me deň­dir. Le Pe­ne saý­law­çy­la­ryň 22 gö­te­ri­mi, Mak­ro­na bol­sa, 23 gö­te­ri­mi ses ber­mä­ge taý­ýar.
Bu iki da­laş­gär­den soň­ra öňe saý­lan­ýan ýe­ne-de bir sy­ýa­sat­çy Žan-Lýuk Me­lan­şon­dyr. Soň­ky hep­de­ler ol hem saý­law­çy­la­ryň gol­da­wy­na my­na­syp bol­dy. Hä­zir­ki wagt­da oňa fran­suz­la­ryň 19,5 gö­te­ri­mi ses ber­mek is­le­ýär.
Dör­dün­ji orun­da dün­ýä jem­gy­ýet­çi­li­gi­niň uly ynam bil­dir­ýän sy­ýa­sat­çy­la­ry­nyň bi­ri Fran­sua Fi­ýon gel­ýär. Köp­ler on­dan uly üs­tün­lik­le­re ga­raş­ýar. Ýur­duň ozal­ky pre­zi­dent­le­rin­den Ni­kol­ýa Sar­ko­zi hem Fran­si­ýa­nyň ra­ýat­la­ry­ny Fi­ýo­na ses ber­mä­ge ça­gyr­dy. Fi­ýon Sar­ko­zi­niň par­ti­ýa­sy­nyň da­laş­gä­ri­dir.
Da­laş­gär­le­riň il­kin­ji bäş­li­gi­ne hä­zir­ki wagt­da ýur­dy do­lan­dyr­ýan So­sia­lis­tik par­ti­ýasy­nyň da­laş­gä­ri Be­nua Amon hem gir­ýär. Oňa-da saý­law­çy­la­ryň bel­li bir bö­le­gi ses ber­me­gi me­ýil­leş­dir­ýär.
Ni­kol­ýa Dýu­pon-En­ýan, Fi­lipp Pu­tu, Fran­sua As­se­li­no, Ža­na La­sal­ýa, Žak Şe­mi­nad we Na­ta­li Ar­to da­gy­la­ryň ses­le­riň az bö­le­gi­ni al­ma­gy­na ga­ra­şyl­ýar.

Gyzykly bolup bilerЕЩЕ ОТ АВТОРА