14-nji few­ra­lyn­da Türk­me­nis­ta­nyň Da­şa­ry iş­ler mi­nist­ri­niň orun­ba­sa­ry W.Ha­ji­ýew Aş­ga­bat şä­he­ri­ne iş sa­pa­ry bi­len ge­len Ku­ba Res­pub­li­ka­sy­nyň Türk­me­nis­tan­da tä­ze bel­le­nen Il­çi­si (otur­ýan ýe­ri Ba­ku ş.) Kar­los En­ri­ke Wal­des de la Kon­seps­ýio­nyň ara­syn­da du­şu­şyk ge­çi­ril­di.
Du­şu­şy­gyň ba­şyn­da Ku­ba­nyň Il­çi­si ynanç ha­ty­nyň nus­ga­la­ry­ny gow­şur­dy. Türk­men ta­ra­py Il­çi­ni bu jo­gap­kär­li we­zi­pä bel­len­me­gi bi­len gut­lap, oňa iki­ta­rap­la­ýyn hyz­mat­daş­ly­gy pug­ta­lan­dyr­mak bo­ýun­ça he­ma­ýat et­mä­ge we gol­daw ber­mä­ge taý­ýar­dy­gy­ny nyg­ta­dy.
Du­şu­şy­gyň bar­şyn­da, Türk­me­nis­tan bi­len Ku­ba Res­pub­li­ka­sy­nyň ara­syn­da­ky sy­ýa­sy-dip­lo­ma­tik, me­de­ni-yn­san­per­wer ugur­lar­da iki­ta­rap­la­ýyn gat­na­şyk­la­ryň üs­tün­lik­li ös­dü­ril­me­gi­niň äh­mi­ýe­ti­ni nyg­tap, ta­rap­lar hem­me­ta­rap­la­ýyn hyz­mat­daş­ly­gy ös­dür­mä­ge yg­rar­ly­dyk­la­ry­ny we bi­le­lik­dä­ki işi mun­dan beý­läk-de iş­jeň­leş­dir­mä­ge taý­ýar­dyk­la­ry­ny bel­läp geç­di­ler. Şeý­le hem söh­bet­deş­ler söw­da-yk­dy­sa­dy hyz­mat­daş­ly­gy gi­ňelt­me­giň gel­je­gi­ni ara alyp mas­la­hat­laş­dy­lar.
Mun­dan baş­ga-da, par­la­men­ta­ra gat­na­şyk­la­ry ýo­la goý­ma­gyň, şeý­le hem iki ýur­duň da­şa­ry sy­ýa­sy eda­ra­la­ry­nyň ara­syn­da­ky hyz­mat­daş­ly­gy güýç­len­dir­me­giň mö­hüm­li­gi nyg­tal­dy. Ta­rap­lar BMG ýa­ly hal­ka­ra gu­ra­ma­la­ry­nyň çäk­le­rin­de, hu­su­san-da pa­ra­hat­çy­lyk, howp­suz­lyk we dur­nuk­ly ösüş üçin Bi­ta­rap­ly­gyň dost­la­ry to­pa­ry­nyň ug­ry bo­ýun­ça öza­ra gat­na­şy­gyň me­se­le­le­ri­ni ara alyp mas­la­hat­laş­dy­lar.
Şeý­le hem, me­de­ni­ýet we sport ugur­la­ryn­da­ky gat­na­şyk­la­ry ös­dür­mä­ge we sag­ly­gy go­ra­ýyş pu­da­gyn­da hyz­mat­daş­ly­gy gi­ňelt­mä­ge öza­ra gy­zyk­lan­ma bil­di­ril­di.

Gyzykly bolup bilerЕЩЕ ОТ АВТОРА