24-nji ap­rel­de Türk­me­nis­ta­nyň Sag­ly­gy go­ra­ýyş we der­man se­na­ga­ty mi­nistr­li­gi­niň Döw­let aras­sa­çy­lyk we ke­sel­le­riň ýaý­ra­ma­gy­na gar­şy gö­reş­mek gul­lu­gy­nyň Jem­gy­ýet­çi­lik sag­ly­gy we iý­mit mer­ke­zin­de im­mu­ni­za­si­ýa hep­de­li­gi­niň baş­lan­ma­gy my­na­sy­bet­li hal­ka­ra mas­la­hat ge­çi­ril­di. Oňa hal­ka­ra gu­ra­ma­la­ryň ýur­du­myz­da­ky we­kil­le­ri, My­rat Gar­ry­ýew adyn­da­ky Türk­me­nis­ta­nyň Döw­let luk­man­çy­lyk uni­wer­si­te­ti­niň mu­gal­lym­la­ry­dyr ta­lyp­la­ry, ha­bar be­riş se­riş­de­le­ri­niň iş­gär­le­ri gat­naş­dy­lar.
Da­ba­ra­nyň açy­ly­şyn­da Türk­me­nis­ta­nyň Sag­ly­gy go­ra­ýyş we der­man se­na­ga­ty mi­nistr­li­gi­niň, Bü­tin­dün­ýä Sag­ly­gy Go­ra­ýyş Gu­ra­ma­sy­nyň hem-de Ýew­ro­pa Bi­le­le­şi­gi­niň Türk­me­nis­tan­da­ky we­kil­le­ri gi­riş söz­le­ri bi­len çy­kyş et­di­ler.
Mas­la­ha­tyň do­wa­myn­da san­jym me­se­le­le­ri ba­ra­da slaýd­la­ryň, wi­deo­ro­lik­le­riň üs­ti bi­len met­bu­gat üçin mag­lu­mat­lar be­ril­di.
Çy­kyş­lar­da ila­ty ýo­kanç ke­sel­ler­den go­ra­mak, aras­sa­çy­lyk düz­gün­le­ri­ni ber­jaý et­mek, ke­sel­le­riň ýaý­ra­ma­gy­na gar­şy gö­reş­mek, im­mu­no öňü­ni alyş iş­le­ri­ni ge­çir­mek mak­sa­dy bi­len, Bü­tin­dün­ýä Sag­ly­gy Go­ra­ýyş Gu­ra­ma­sy ta­ra­pyn­dan ser­ti­fi­kat­laş­dy­ry­lan san­jym­lar döw­let se­riş­de­le­ri­niň ha­sa­by­na sa­tyn al­nyp, tö­leg­siz ýe­ri­ne ýe­ti­ril­ýän­di­gi­ne üns çe­kil­di. Şeý­le hem ýur­du­my­zyň dün­ýä­de sag­ly­gy go­ra­ýyş ul­ga­my­nyň aras­sa­çy­lyk – ke­sel­le­riň ýaý­ra­ma­gy­na gar­şy gö­reş­mek ba­ba­tyn­da ila­tyň aba­dan­çy­ly­gy­ny üp­jün et­mek ýa­ly mö­hüm ug­run­da dün­ýä­niň köp döw­let­le­ri üçin nus­ga­lyk bo­lup dur­ýan­dy­gy bel­le­nil­di.

Ke­sel­le­riň öňü­ni alyş san­jym­la­ry­nyň Mil­li ter­ti­bi­ne la­ýyk­lyk­da, hä­zir­ki wagt­da wi­rus­ly ge­pa­ti­tiň B gör­nü­şi­ne, in­çe­ke­se­le, po­lio­mie­li­te, dif­te­ri­ýa, gök­bog­ma, bür­mä, gy­za­my­ga, hap­gyrt­ma, gy­zyl­ja, Hib ýo­kan­jy­na, ada­myň pa­pil­lo­ma wi­ru­sy­nyň dö­red­ýän howp­ly tä­ze dö­re­me­le­ri­ne, pnew­mo­kokk we ro­ta­wi­rus ýo­kan­jy­na, wi­rus­ly ge­pa­ti­tiň A gör­nü­şi­ne gar­şy san­jym­lar ra­ýat­la­ra yzy­gi­der­li ge­çi­ril­ýär. Im­mu­no öňü­ni alyş iş­le­ri­niň öz wag­tyn­da ge­çi­ril­me­gi hem-de ola­ra ila­tyň iş­jeň gat­naş­ma­gy ýo­kanç ke­sel­le­riň öňü­ni al­ma­ga ne­ti­je­li ýar­dam ber­ýär. Hä­zir­ki wagt­da bir­nä­çe ýo­kanç ke­sel­le­re bir wag­tyň özün­de gar­şy dur­ma­ga im­mu­ni­te­ti üp­jün edip bil­ýän san­jym­lar ile­ri tu­tul­ýar. Şeý­le san­jym­lar ada­my agyr gör­nüş­li ýo­kanç ke­sel­ler bi­len syr­kaw­la­mak­dan go­ra­ma­ga müm­kin­çi­lik ber­ýär.

Gyzykly bolup bilerЕЩЕ ОТ АВТОРА