24-nji ap­rel­de Hal­ka­ra yn­san­per­wer ylym­la­ry we ösüş uni­wer­si­te­ti­niň baş bi­na­syn­da ýer­li hem-de da­şa­ry ýurt döw­let­le­ri­niň ýo­ka­ry okuw mek­dep­le­ri­niň ta­lyp­la­ry­nyň gat­naş­ma­gyn­da III Açyk hal­ka­ra ma­te­ma­ti­ka olim­pia­da­sy­nyň (OMOUS – 2023) açy­lyş da­ba­ra­sy ge­çi­ril­di. Da­ba­ra­nyň bar­şyn­da ýe­ri­ne ýe­ti­ri­len aý­dym-saz­ly çy­kyş­lar we tans­lar da­ba­ra gat­naş­ýan da­şa­ry ýurt­ly myh­man­la­ra we ýo­ka­ry okuw mek­dep­le­riň ta­lyp­la­ry­na ru­hy lez­zet paý­la­dy. Olim­pia­da gat­naş­ýan her bir da­şa­ry ýurt­ly ta­ly­byň türk­men tah­ýa­syn­da bol­ma­gy, türk­men me­de­ni­ýe­ti­ne go­ýul­ýan be­lent sar­pa­nyň aý­dyň su­but­na­ma­sy bol­dy.
Soň­ra da­ba­ra gat­na­şy­jy­lar uni­wer­si­te­ti­niň baş bi­na­sy­nyň öňün­de ýa­dy­gär­lik su­ra­ta düş­dü­ler we da­ba­ra­ny do­wam et­mek üçin mej­lis­ler za­ly­na gel­di­ler. Da­ba­ra­da il­ki bi­len uni­wer­si­te­tiň rek­to­ry Esen Aý­dog­dy­ýew çy­kyş et­di. Ol öz çy­ky­şyn­da da­şa­ry ýurt­ly we­kil­le­ri we ta­lyp­la­ry olim­pia­da­nyň açy­lyş da­ba­ra­sy bi­len gut­la­dy we olim­pia­da gat­naş­ýan ta­lyp­la­ra üs­tün­lik ar­zuw et­di. Soň­ra olim­pia­da­nyň se­na­sy bo­lan “Biz çem­pi­on­lar” aý­dy­my ýaň­lan­dy. Bu aý­dym bäs­le­şi­ge gat­naş­ýan her bir ta­ly­byň ýü­re­gin­dä­ki ýeň­şe bo­lan ala­wy tu­taş­dyr­dy.
Ez­ber ta­lyp­lar bu olim­pia­da­da şah­sy gör­nüş­de bäs­leş­di­ler. Şah­sy gör­nüş­de ge­çi­ri­len bäs­le­şi­ge gat­na­şan ta­lyp­lar A we B to­par­la­ra bö­lü­nip, A to­pa­ra ma­te­ma­ti­ka we in­for­ma­ti­ka bo­ýun­ça ýö­ri­te­leş­di­ri­len ta­lyp­lar, B to­pa­ra bol­sa hü­när ug­ru­na ga­ra­maz­dan is­len­dik ta­lyp gat­na­şyp bi­ler. Olim­pia­da türk­men we iň­lis dil­le­rin­de ge­çi­ril­di. Bäs­le­şi­giň şah­sy gör­nü­şi­ne gat­naş­ýan ta­lyp­la­ra 6 me­se­le we ola­ry çöz­mek üçin 240 mi­nut wagt be­ril­di.

Şu gün – 25-nji ap­rel­de olim­pia­da­nyň to­par­la­ýyn gör­nü­şi­ne ba­dal­ga be­ril­di. Bäs­le­şi­giň to­par­la­ýyn gör­nü­şi­ne gat­naş­ýan her bir to­pa­ra me­se­le­le­ri çöz­mek üçin 120 mi­nut wagt be­ril­di. Olim­pia­da­nyň ýe­ňi­ji­le­ri 28-nji ap­rel­de hor­mat hat­la­ry we sow­gat­lar bi­len sy­lag­lan­dy­ry­lar.
Ýe­ri ge­len­de bel­le­sek, Türk­me­nis­ta­nyň ta­ry­hyn­da il­kin­ji ge­zek ge­çi­ril­ýän bu olim­pia­da gat­naş­mak üçin Ger­ma­ni­ýa­dan, Weng­ri­ýa­dan, Sa­ud Ara­bys­tan­dan, Mek­si­ka­nyň Bir­le­şen Ştat­la­ryn­dan, Rus­si­ýa Fe­de­ra­si­ýa­syn­dan, Azer­baý­jan­dan, Eý­ran­dan we Öz­be­gis­tan­dan 60-a go­laý ta­lyp gel­di. Da­şa­ry ýurt­ly myh­man­la­ry we ýo­ka­ry okuw mek­dep­le­ri­niň ta­lyp­la­ry­ny uni­wer­si­te­tiň mu­gal­lym­la­ry we ta­lyp ýaş­la­ry asyl­ly dä­be eýe­rip, duz-çö­rek bi­len mä­hir­li gar­şy al­dy­lar. Myh­man­lar öz­le­ri­ne bil­di­ril­ýän sy­lag-hor­mat­dan örän ho­şal bol­du­lar.
Olim­pia­da­nyň çäk­le­rin­de paý­tag­ty­my­zyň gö­zel kün­jek­le­ri bo­lan Nu­saý ýa­dy­gär­lik­ler top­lu­mu­na, Türk­me­nis­ta­nyň Döw­let Me­de­ni­ýet mer­ke­zi­niň Döw­let mu­ze­ýi­ne we Türk­men Mil­li ha­ly mu­ze­ýi­ne, şeý­le hem, “Aş­ga­bat”, “Ber­ka­rar”, “Gül­ze­min” ýa­ly söw­da we dynç alyş mer­ke­zi­ne ge­ze­lenç­le­ri gu­ra­mak me­ýil­leş­di­ril­ýär. Bu­lar­dan baş­ga-da, uni­wer­si­te­tiň Ýaş­lar gu­ra­ma­sy­nyň we hö­wes­jeň ta­lyp ýaş­la­ry­nyň gu­ra­ma­gyn­da “Iý­mit fes­ti­wa­ly” ge­çi­ril­di. Bu fes­ti­wal­da türk­men mil­li na­har­la­ry we ta­gam­la­ry ser­gi­len­di.

Oraz­bi­bi Ora­zo­wa,
Hal­ka­ra yn­san­per­wer ylym­la­ry we ösüş uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА