Hindistanyň Premýer-ministri Narendra Modi Ysraýyla sapara baran ýurduň taryhyndaky ilkinji hökümet başlygy boldy. Ol Ysraýylda saparda bolup, bu ýurduň döwlet ýolbaşçylary bilen gepleşikler geçirdi. Taraplar, esasan hem, söwda-ykdysady hyzmatdaşlyk gatnaşyklaryny ara alyp maslahatlaşdylar.
– Bu taryhy sapar. Hindistanyň hökümeti tarapyndan 70 ýylyň dowamynda Ysraýyla ýokary derejede sapar guralýar. Ol iki ýurduň arasyndaky gatnaşyklaryň ösmegine itergi berer. Kärdeşim Modiniň sapary energetika, oba hojalygy, suw hojalygy ýaly ugurlardaky gatnaşyklary pugtalandyrmaga kömek berer – diýip, Ysraýylyň Premýer-ministri Binýamin Netanýahu gürrüň berdi.
Ysraýylyň Ykdysadyýet we söwda ministrliginiň maglumatyna görä, 1992-nji ýylda iki ýurduň arasynda diplomatik gatnaşyklar ýola goýuldy. Şol ýyllaryň dowamynda 200 million dollara barabar bolan haryt dolanyşygynyň möçberi 4,13 milliard dollara baryp ýetdi. Hindistan Ysraýylyň daşary söwda hyzmatdaşlarynyň sanawynda 9-njy orunda durýar.