Rus­si­ýa Fe­de­ra­si­ýa­sy­nyň paý­tag­ty Mosk­wa şä­he­ri­niň ete­gin­dä­ki Žu­kowsk ae­rod­ro­mun­da MAKS-2017 at­ly awia­si­ýa we kos­mos pu­da­gy­na de­giş­li hal­ka­ra ser­gi ge­çi­ril­ýär. Ol 18-nji iýul­da baş­la­dy we er­tir öz işi­ni ta­mam­laýar. Dün­ýä­niň iri awia­fo­rum­la­ry­nyň bi­ri hök­mün­de ka­bul edil­ýän ser­gä ABŞ, Fran­si­ýa, Ýa­po­ni­ýa, Hy­taý, Ger­ma­ni­ýa, Eý­ran, Be­ýik Bri­ta­ni­ýa we beý­le­ki en­çe­me döw­let­lerden 790-a go­laý kom­pa­ni­ýa gat­naş­dy.
2 ýyl­dan bir ge­zek ge­çi­ril­ýän ser­gi 13-nji sapar gu­ral­ýar. Onuň açy­lyş da­ba­ra­sy­na ýur­duň Pre­zi­den­ti Wla­di­mir Pu­tin hem-de köp san­ly da­şa­ry ýurt­ly myh­manlar gat­naş­dy. Da­ba­ra­da çy­kyş eden rus li­de­ri Wladimir Pu­tin hal­ka­ra fo­ru­myň ýo­ka­ry de­re­jä çy­ka­ry­lan­dy­gy­ny we ae­ro­kos­mos teh­ni­ka­la­ry­nyň muş­dak­la­ry üçin ga­ra­şyl­ýan wa­ka­la­ryň bi­ri­ne öw­rü­len­di­gi­ni mä­lim et­di.
Onuň aýt­ma­gy­na gö­rä, ser­gi­niň di­war­lyk­la­ryn­da rus we da­şa­ry ýurt kom­pa­ni­ýa­la­ry­nyň awia­si­ýa we kos­mos pu­dak­la­ry­na de­giş­li soň­ky teh­no­lo­gi­k iş­läp düz­me­le­ri ýer­leş­di­ril­di. Rus li­de­ri ae­ro­kos­mos top­lu­my­nyň döw­re­bap de­re­je­de ös­dü­ril­me­gi üçin döw­let ta­ra­pyn­dan hem­me­ta­rap­la­ýyn gol­da­wyň be­ril­ýän­di­gini bel­läp, ra­ýat awia­si­ýa ul­ga­myn­da tä­ze uçar­la­ry ön­dür­mä­ge gi­ri­şen­dik­le­ri­ni aýt­dy.
Mun­dan ozal­ky MAKS hal­ka­ra fo­rum­la­ry­na gut­lag iberen Rus­si­ýa­nyň Pre­zi­den­ti­niň soň­ky ýyl­lar­da bu iri göw­rüm­li çä­rä hut özi gat­naş­ýar. 25 ýyl mun­dan ozal, Mosk­wa ob­las­ty­nyň Žu­kowsk şä­he­rin­de “MosAe­ro­Şou” ady bi­len ge­çi­ri­lip baş­la­nan hal­ka­ra fo­rum hä­zir­ki wagt­da dün­ýä möç­be­rin­de esa­sy iri çä­re­le­riň bi­ri­ne öw­rül­di. Wla­di­mir Pu­tin ser­gi­niň çäk­le­rin­de bir­nä­çe di­war­lyga aý­la­nyp gör­di. Ol Fran­si­ýa­nyň “Saf­ran” kom­pa­ni­ýa­sy­nyň, Ger­ma­ni­ýa­nyň Maks Plan­ka adyn­da­ky fi­zi­ka ins­ti­tu­ty­nyň “eRO­SI­TA” rent­gen te­les­ko­py hem-de “Boeing” şe­re­ke­ti­niň di­war­lyk­la­ryn­da­ky teh­no­lo­gi­ýa­lar bi­len gy­zyk­lan­dy.
Ýer eýe­le­ri Rus­si­ýa­nyň kom­pa­ni­ýa­la­ry hä­zir­ki za­man ra­ýat uçar­la­ry­ny we di­ku­çar­la­ry­ny köp­çü­li­ge gör­kez­di. “An­sat”, “Ка-32А11ВС”, “Mi-8AMT” we “Mi-38” ky­sym­ly ra­ýat di­ku­çar­la­ry bi­len bir ha­tar­da, “Suk­hoi Su­per­jet 100” hem-de “МС-21-300” ky­sym­ly uçar­lar myh­man­lar­da uly gy­zyk­lan­ma dö­ret­di. Mun­dan baş­ga-da ser­gi­niň çäk­le­rin­de uçar­man­syz uç­ýan en­jam­la­ryň hem dür­li gör­nüş­le­ri gör­ke­zil­di.
Rus­si­ýa­nyň Prem­ýer-mi­nist­ri­niň orun­ba­sa­ry Dmit­riý Ro­go­zi­niň bel­le­me­gi­ne gö­rä, Rus­si­ýa­nyň ön­dür­ýän “МС-21” ýo­lag­çy uçar­la­ry­na is­le­giň bar­ha art­ýan­dy­gy we hä­zir­ki wag­ta çen­li 205 sa­ny sar­gyt al­nan­dy­gy mä­lim edil­di.
Dün­ýä bel­li iri awia­gur­lu­şyk kom­pa­ni­ýa­sy “Air­bus” bu ser­gi­de özü­niň “A350-900” ky­sym­ly uça­ry­ny gör­kez­di. Bu laý­ner gör­kez­me uçu­şy­ny ama­la aşyr­dy.
MAKS awia­sa­lo­ny 1993-nji ýyl­dan bä­ri 2 ýyl­da bir ge­zek ge­çi­ril­ýär. Ol öz ug­ry bo­ýun­ça dün­ýä­niň uly hal­ka­ra fo­rum­la­ry­nyň bi­ri­ne öw­rül­di.

Gyzykly bolup bilerЕЩЕ ОТ АВТОРА