Şu gün ýurdumyzyň çempiony “Ahal” topary AFK Çempionlar Ligasynyň çägindäki täze möwsümiň ilkinji duşuşygyny geçirer. “Aşgabat” köpugurly stadionynda oýnaljak duşuşykda “Ahal” Saud Arabystanynyň Kubogynyň eýesi “Al-Feýha” toparyny kabul eder. Duşuşyk 21:00-da başlanar. Duşuşykda “Ahal” topary adaty ak, myhmanlar narynç reňkdäki köýnekçede çykyş ederler.
Toparçadaky beýleki duşuşykda Özbegistanyň “Pahtakor” topary öz meýdançasynda BAE-niň “Al-Ain” kluby bilen duşuşar. Bu duşuşyk 19:00-da başlanar.
