Birleşen Arap Emirlikleriniň paýtagty Abu-Dabi dünýäniň dürli künjeklerinden bolan milliarderleriň arasynda barha meşhurlyk gazanýar. Bu barada «Bloomberg» agentligi habar berdi. Şeýllikde, dünýäniň baý adamlarynyň onlarçasy öz maýalaryny ýörite kompaniýalary döretmek arkaly, Abu-Dabä geçirdiler diýip, agentlik ýazýar.
MHQ konsalting kompaniýasynyň maglumatlaryna laýyklykda, häzirki wagtda “Abu Dhabi Global Market” erkin zolagynda we maliýe merkezinde şeýle kompaniýalaryň 5 müňüsi işleýär. 2016-njy ýylda olaryň sany bary-ýogy 46 sanydy.
