“Sportico” žurnaly 2023-nji ýylyň köp pul gazanan türgenleriniň sanawyny mälim etdi. Sanawyň başyny portugaliýaly super ýyldyz Kristiano Ronaldo çekýär. Saud Arabystanynyň Al Nassr toparynda çykyş edýän 39 ýaşyndaky futbolçy geçen 275 million dollar gazanç edipdir. Onuň gazanjynyň 215 milliony onuň futboldan bolup, galan 60 million dollary mahabatlardan hem-de hemaýatkärlik şertnamalaryndan diýlip bellenildi.
Sanawda 2-nji orunda golfçy Jon Ram bolup, onuň umumy gazanjy 203 million dollara deňdir (181+22). Lionel Messiniň 130 million dollar (65+65) bilen 3-nji bolan sanawynda amerikaly super ýyldyz, meşhur basketbolçy LeBron Jeýms 125,7 million dollar (45,7+80) bilen 4-nji, PSŽ-niň fransiýaly futbolçysy Kilian Mbappe 125 million dollar (100+25) bilen 5-nji orny eýeledi.
Ilkinji 100 türgeniň 40-sy basketbolçy, 16-sy futbolçy bolsa, 13-si beýsbolçydyr. 11 amerikan futboly oýunçysy, 10 golfçy, 6 boksçy, 2 tennisçi hem-de 2 sürüji ilkinji 100 türgeniň sanawyna atlaryny ýazdyrdylar.
- Kristiano Ronaldo (futbol) – 275 mln (215+60)
- Jon Ram (golf) – 203 mln (181+22)
- Lionel Messi (futbol) – 130 mln (65+65)
- LeBron Jeýms (basketbol) – 125,7 mln (45,7+80)
- Kilian Mbappe (futbol) – 125 mln (100+25)
- Neýmar (futbol) – 121 mln (86+35)
- Stefen Körri (basketbol) – 98,9 mln (48,9+50)
- Ýannis Antetokunmpo (basketbol) – 88,4 mln (43,4+45)
- Kewin Durant (basketbol) – 86,9 mln (44,9+42)
- Patrik Mahoums (amerikan futboly) – 84,3 mln (59,3+25)
