Hin­di ki­no­la­ryn­da­ky aý­dym­la­ryň aw­to­ry

Hin­di me­de­ni­ýe­ti­ni we sun­ga­ty­ny öz­bo­luş­ly be­ýan ed­ýän «Bol­li­wu­dyň» ki­no­la­ry­nyň muş­dak­la­ry­nyň sa­ny az däl. «Bol­li­wu­dyň» film­le­ri­niň esa­sy te­ma­sy söý­gi we maş­ga­la gym­mat­ly­gy bo­lup, duý­gu­ly sah­na­la­ra we dart­gyn­ly wa­ka­la­ra baý­dy­gy bi­len ta­pa­wut­lan­ýar. «Bol­li­wud» diý­len­de, il­ki bi­len, tans we aý­dym-saz göz öňü­ňe gel­ýär. Hin­di ki­no­la­ryn­da ýe­ri­ne ýe­ti­ril­ýän ro­man­tik aý­dym­la­ry akt­ri­sa ýa-da ar­tis­tiň özi ýe­ri­ne ýe­tir­ýän ýa­ly gö­rün­se-de, olar aý­dym­çy­lar ta­ra­pyn­dan ýe­ri­ne ýe­ti­ril­ýär. Şeý­le sun­gat us­sat­la­ry­nyň bi­ri hem Udit Na­ra­ýan­dyr.

Hin­di ki­no­la­ry­nyň kö­pü­si­niň sa­zy­ny ýa­zyp, aý­dy­my­ny ýe­ri­ne ýe­ti­ren us­sat aý­dym­çy Udit Na­ra­ýan sun­ga­ta uly go­şant go­şan şah­sy­ýet­le­riň bi­ri ha­sap­lan­ýar. Hin­di, te­lu­gu, kan­na­da, ta­mil, ben­gal, sind­hi, ne­pal, as­sam we mai­ti­li ýa­ly bir­nä­çe dil­de aý­dym­la­ry ýe­ri­ne ýe­ti­ren U.Na­ra­ýan Ja 1955-nji ýy­lyň 1-nji de­kab­ryn­da Bi­har şta­ty­nyň Bai­si oba­syn­da dün­ýä in­ýär. Ze­hin­li aý­dym­çy­nyň ka­ka­sy He­rek­riş­na Ja­nyň as­ly ne­pal­ly bo­lup, daý­han­çy­lyk bi­len meş­gul­la­nyp­dyr. Eje­si Bhu­wa­neş­wa­ri De­wi as­ly hin­dis­tan­ly bo­lup, döw­rü­niň iň meş­hur aý­dym­çy­la­ry­nyň bi­ri ha­sap­la­nyp­dyr. Na­ra­ýan Hin­dis­ta­nyň Bi­har şta­ty­nyň Su­pa­ul şä­he­rin­de or­ta mek­de­bi ta­mam­lap, Ne­pa­lyň Kat­man­du şä­he­rin­dä­ki Trib­hu­wa­na uni­wer­si­te­tin­de bi­lim al­ýar. Ça­ga­lyk­dan eje­si­niň gol­da­wy bi­len aý­dy­ma hö­wes­li bo­lan Na­ra­ýan 1970-nji ýyl­da Ne­pa­lyň ra­dio­ýaý­ly­myn­da halk we hä­zir­ki za­man aý­dym­la­ry­ny ýe­ri­ne ýe­ti­rip baş­la­ýar. 1978-nji ýyl­da Hin­dis­ta­nyň Mum­baý şä­he­ri­ne gö­çüp gaýt­ma­gy bi­len ýaş ze­hi­niň aý­dym-saz kar­ýe­ra­sy ösüp baş­la­ýar. Na­ra­ýan Mum­baý­da aý­dym aýt­ma­gy kä­mil de­re­je­de öw­re­nip, pro­fes­sio­nal kar­ýe­ra ýet­ýär. Ol hin­di di­lin­de il­kin­ji ge­zek «Unis-Bis» (1980 ý.) fil­min­de Mo­ham­med Ra­fi bi­len bi­le­lik­de aý­dym aýd­ýar. Soň­ra «Qaya­mat Se Qaya­mat Tak» (1988 ý.) fil­min­de «Pa­pa Keh­te Ha­in» aý­dy­my­ny ýe­ri­ne ýe­ti­rip, Hin­dis­ta­nda meş­hur bol­ýar we il­kin­ji «Film­fa­re» baý­ra­gy­ny ga­zan­ýar.
1980-2000-nji ýyl­lar ara­ly­gyn­da Ami­tabh Baç­ça­nyň, Aa­mir Ha­nyň, Şah­ruh Ha­nyň, Sal­man Ha­nyň, Ak­şaý Ku­ma­ryň we Ajaý Dew­ga­nyň dür­li keşp­ler­dä­ki aý­dy­my­ny ýe­ri­ne ýe­ti­ren Udit Na­ra­ýan 25 müň­den gow­rak aý­dy­myň aw­to­ry­dyr. Hin­di-ne­pal aý­dym­çy­sy, akt­ýo­ry, te­lea­lyp­ba­ry­jy­sy we prod­ýu­se­ri U.Na­ra­ýan 4 ge­zek «Na­tio­nal Awards», 5 sa­par hem «Film­fa­re» baý­rak­la­ry­ny ga­zan­ýar. Ga­ly­ber­se-de, ol «Pad­ma Şri» we «Pad­ma Bhu­şan» ýa­ly döw­let baý­rak­la­ry­nyň hem eýe­si­dir. Oňa hin­di aý­dym-saz sun­ga­ty­na go­şan go­şan­dy üçin La­ta Man­geş­kar ta­ra­pyn­dan «Play­back Sin­ging Prince» (hin­di ki­no­la­ryn­da­ky aý­dym­la­ry aýt­ma­gyň şa­za­da­sy) ady be­ril­ýär. Hä­zir­ki wagt­da 70 ýaş­ly aý­dym­çy og­ly Adit­ýa Na­ra­ýan bi­len bi­le­lik­de Hin­dis­ta­nyň dür­li şä­her­le­rin­de jan­ly ses­de kon­sert­le­ri gu­ra­ýar.