AFK Çempionlar Ligasy 2 ýaryşynda çykyş edýän toparlarymyzdan “Ahal” ilkinji duşuşygynda ýeňiş gazanmagy başardy. “C” toparçada myhmançylykda Hindistanyň “Mohun Bagan” topary bilen geçirdi. Çekeleşikli geçen oýunda ildeşlerimiz 1-0 hasabynda ýeňiş gazandy. “Ahal” toparyna ýeňiş getiren ýeke-täk goly 83-nji minutda Enwer Annaýew öz adyna ýazdyrdy. Şunlukda, “Ahal” topary bu ýaryşda täze möwsüme ýeňiş bilen başlady.

Toparçadaky beýleki duşuşyk hem şol hasap bilen tamamlanyp, Iordaniýanyň “Al-Hussein” topary öz meýdançasynda Eýranyň “Sepahan” toparyndan 1-0 hasabynda üstün çykmagy başardy.

Ýaryşda çykyş edýän ýurdumyzyň çempiony “Arkadag” topary ilkinji duşuşygyny şu gün geçirer. Şonda “Arkadag” topary Özbegistanyň Kubogynyň eýesi “Andijon” topary bilen “Arkadag” şäherinde duşuşar. Duşuşyk 18:45-de başlap, oýna singapurly Ahmad A’Gaşah eminlik eder.

Gyzykly bolup bilerЕЩЕ ОТ АВТОРА