Futbol boýunça AFK Çempionlar Ligasynda “C” toparçada çykyş edýän Ahal topary soňky duşuşygynda taryhy ýeňiş gazandy. Ildeşlerimiz Kataryň Al-Garafa toparyndan 4-2 hasabynda üstün çykdy. 8-nji minutda Arslanmyrat Amanow penaltiden hasaby açdy. 35-nji minutda Moaýed Hassan hasaby deňlese-de, 38-nji minutda Mirza Beknazarow Ahaly täzeden öňe saýlady. 70-nji minutda Arslanmyrat Amanow ýene bir penaltini geçirip, aratapawudy 2 gola çykardy. Ýyldyz oýunçy 80-nji minutda özüniň 3-nji, Ahalyň 4-nji goluny geçirdi. Oýnuň 90+4-nji minutynda-da Hanniniň penaltiden geçiren goly Al-Garafa ýeňiş üçin ýeterlik bolmady. Şeýlelikde, Ahal ilkinji gezek gatnaşýan ýaryşynda ilkinji ýeňşini gazandy. Bu türkmen toparlarynyň Aziýanyň iň uly klub ýaryşyndaky ilkinji ýeňşi boldy.

Toparçadaky ilkinji duşuşygynda-da Şabab Al-Ahli bilen deňme-deň oýnan Ahal topary ýaryşy 4 utuk bilen tamamlady. Toparçada 1-2-nji orunlary eýelän Fulad bilen Şabab Al-Ahli ýaryşy dowam etdirer.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА