Aşgabatda geçiriljek AFK Çempionlar Ligasy II ýaryşynyň 1/8 final tapgyrynda «Arkadag» we «Al-Nassr» toparlarynyň arasyndaky duşuşygyň öňüsyrasynda metbugat maslahaty geçiriler. “Arkadag” futbol topary – türkmen futbolynyň buýsanjy we geljegi” atly metbugat maslahaty 9-njy fewralda Olimpiýa şäherjiginiň Halkara ýaýlyma beriş merkezinde geçiriler. Oňa ýurdumyzyň we daşary ýurtlaryň köpçülikleýin habar beriş serişdeleriniň wekilleri gatnaşarlar.
Maslahatda Türkmenistanyň Bedenterbiýe we sport bardaky döwlet komitetiniň başlygy Allaberdi Saparowyň, Sport metbugatynyň halkara assosiasiýasynyň sport habarçylary Baku Erwiniň, Natalia Donediň, Hytaýyň CCTV-5 sport teleýaýlymynyň halkara sport ýaryşlaryny teswirleýjisi Ýang Şenginiň, “Mir-24” teleýaýlymynyň sport habarçysy Georgiý Karpowyň, Azerbaýjanyň “Idman TV” teleýaýlymynyň sport habarçysy Alakbarli Faridiň, Türkiýäniň “TRT Spor” teleýaýlymynyň sport habarçysy Ýylmaz Ýasiniň çykyş etmegine garaşylýar.
AFK Çempionlar Ligasy II ýaryşynyň 1/8 final tapgyrynyň çäginde geçiriljek «Arkadag» ― «Al-Nassr» duşuşygy Aşgabadyň Olimpiýa stadionynda geçiriler. Olimpiýa şäherjiginiň çägindäki bu stadion Merkezi Aziýanyň iň iri stadiony hasaplanýar.

Gyzykly bolup bilerЕЩЕ ОТ АВТОРА