Angliýanyň Liga Kubogy ýaryşynda 1/8 finala çykan toparlaryň ählisi hem belli boldy. “Arsenal” myhmançylykda “Port Weýl” toparyny Eze hem-de Trossaryň gollary bilen 2-0 hasabynda ýeňdi.

Şol hasap bilen “Mançester Siti” hem myhmançylykda “Haddersfild Tawn” toparyndan üstün çykdy. Şäherlileriň gollaryny Foden bilen Sawinio geçirdi.

“Nýukasl” Joelington hem-de Osulanyň hersiniň 2 gol geçirmeginde “Bredford Sitini” 4-1, “Tottenham” “Donkaster Rowersi” Palinýa, MakGrat (ö.d.), Jonsonyň gollary esasynda 3-0 hasaplar bilen utdy. “Liwerpul” öz meýdançasynda “Southempton” toparyny 2-1 hasabynda ýeňipdi.

1/8 finalda “Arsenal” “Braýton” bilen, “Liwerpul” “Kristal Palas” bilen, “Nýukasl” “Tottenham” bilen duşuşar. Duşuşyklar 28-29-njy oktýabrda geçiriler.

1/8 finalyň duşuşyklary:

Arsenal – Braýton, Grimsbi Tawn – Brentford, Liwerpul – Kristal Palas, Nýukasl – Tottenham, Swansi Siti – Mançester Siti, Wulwerhempton – Çelsi, Reksam – Kardiff Siti, Wikomb Wonderers – Fulham

Gyzykly bolup bilerЕЩЕ ОТ АВТОРА