PDF
Angliýanyň çempionatynda sanawyň lideri “Arsenala” iň aşaky orunda barýan “Wulwerhempton” toparynyň ýeňmek ýeňil düşmedi. 2-1 hasabynda ýeňiş gazanan londonlylaryň 2 goly hem awtogol hökmünde hasaba alyndy. 70-nji minutda top burçdan göni derwezä urlup, derwezeçi Jonstouna degdi we tora girdi. 90-njy minutda myhmanlar hasaby deňlese-de, 90+4-nji minutda Gabriel Žesusyň uran urgusy goragçy Moskera degip, derwezä girdi.
“Mançester Siti” myhmançylykda “Kristal Palasyň” derwezesinden jogapsyz 3 gol geçirip, gollary Erling Holann (2) bilen Fil Foden öz atlaryna ýazdyrdylar.
Çekeleşikli geçen oýunda “Aston Willa” myhmançylykda “West Ham” toparyny 3-2 hasabynda ýeňip, 3-nji basgançakdaky ornuny saklamagy başardy. 2 gezek öňe geçen ýer eýelerine myhmanlar Mawropanosyň awtogoly hem-de Rojersiň 2 takyk urgusy bilen jogap berdi. “Aston Willa” ähli ýaryşlarda soňky 9 oýundan bäri ýeňiş gazanyp gelýär.
Yzygiderli ýeňiş gazanmakda kynçylyk çekýän “Liwerpul” topary öz meýdançasynda “Braýtony” Ekitikeniň 1-nji we 60-njy minutlarda salan gollary esasynda 2-0 hasabynda ýeňdi. Oýunda soňky günlerde tälimçisi bilen arasyna tow düşen Salah 26-njy minutda meýdança girip, 2-nji goluň asistini etdi.
“Çelsi” hem şol hasap bilen “Ewertony” ýeňmegi başardy. Duşuşykda uzak wagtlyk şikesden saplanan Koul Palmer hem-de goragçy Malo Gusto tapawutlandy. Hadson-Odoiniň 2 gol geçiren oýnunda “Nottingam Forest” öz meýdançasynda “Tottenham” toparyndan 3-0 hasabynda üstün çykdy.
8 ýyldan soň oýnalan “Tyne-Wear” derbisinde “Sanderland” öz meýdançasynda “Nýukasly” myhman toparyň germaniýaly hüjümçisi Woltemadeniň 47-nji minutdaky awtogoly bilen ýeňmegi başardy.
Liwerpul – Braýton: 2-0 (Ekitike 1, 60),
Çelsi – Ewerton: 2-0 (Palmer 21, Gusto 45+1),
Börnli – Fulham: 2-3 (Uguçukwu 21, Sonne 86 – Smit-Rou 9, Bassi 31, Wilson 58),
Arsenal – Wulwerhempton: 2-1 (Jonstoun 70 ö.d., Moskera 90+4 ö.d. – Arokodare 90),
West Ham – Aston Willa: 2-3 (Fernandeş 1, Bowen 24 – Mawropanos 9 ö.d., Rojers 50, 79),
K. Palas – Man. Siti: 0-3 (Holann 41, 88 p, Foden 69),
N. Forest – Tottenham: 3-0 (Hadson-Odoi 28, 50, Sangare 79),
Sanderland – Nýukasl: 1-0 (Woltemade 46 ö.d.),
Brentford – Lids: 1-1 (Henderson 70 – Kalwert-Lýuwin 82),
M. Ýunaýted – Bornmut (şu gije 01:00)
