16-18-nji fewral aralygynda Astanada 9-13 ýaşly okuwçylar üçin türki dünýäsiniň çagalarynyň oýunlarynyň halkara festiwaly geçirilýär. Gazagystan Respublikasynyň Bilim ministrliginiň habar bermegine görä, çäre Türkiýäniň Milli bilim ministrligi bilen bilelikde guraldy we Keleşegiň 104-nji mekdebinde geçirilýär.
Festiwal türki döwletleriň arasyndaky medeni hyzmatdaşlygy berkitmäge, çagalaryň däp bolan oýunlaryny saklap galmaga we olary geljekki nesilleriň arasynda wagyz etmäge gönükdirilendir.
Festiwalyň çäklerinde ýurduň 20 sebitinden gelen mugallymlar üçin halkara okuw maslahaty geçirilýär. Gatnaşyjylar türki halklaryň däp bolan oýunlary bilen tanyşýarlar we olary bilim beriş tejribesine girizmegiň ýollaryny ara alyp maslahatlaşýarlar. Maksatnamada “asyk atu”, “taýak tartu”, “lýangi tebu”, “oramal tastamak”, “sakina salu”, “hantalapaý”, “tymak uru”, “bes asyk” we beýleki oýunlar görkezilýär.
Okuw maslahatynyň netijesinde Türkiýäniň wekilleri gazaklaryň dört sany milli oýunyny saýlap alarlar. Olar 2026-njy ýylyň aprel aýynda Stambulda tanyşdyrylar.

Gyzykly bolup bilerЕЩЕ ОТ АВТОРА