23-nji fewralda Aýa gonan amerikan kosmos enjamy Nova-C (“Odisseý”) şowsuz gonandygy sebäpli öz işini bes edýär. Bu barada “South China Morning Post” neşiri habar berýär.
Aý barlaglary hemrasynyň (LRO) ugadan suratlaryna görä, “Odisseý” göz öňünde tutulan ýerden, takmynan, 1,5 kilometr uzaklykda – Aýyň günorta polýusyndan 300 kilometr uzaklykda ýerleşýän “Malapert A” krateriniň golaýynda gondy.
Kompaniýanyň wekilleriniň aýtmagyna görä, “Odisseý” ýokary tizlik bilen Aýyň üstüne gonansoň, bir gapdala agdarylan bolmaly. “Intuitive Machines” kompaniýasy kosmos enjamynyň uçuş dispetçeri bilen aragatnaşyk saklamagyny dowam etdirýändigini habar berdi.
Kompaniýada Gün şöhlesi modulyň Gün panellerine düşmesini bes edýänçä maglumat ýygnamagyny dowam etdirjekdigini bellediler.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА