“La Liganyň” çempionlygyny hem-de Ispaniýanyň Şa Kubogyny gazanan “Barselona” topary ýyldyz oýunçysy Rafinýanyň şertnamasynyň möhletini uzaltdy. Katalon kluby 28 ýaşyndaky braziliýaly wingeriň şertnamasynyň möhletiniň 2028-nji ýyla çenli uzaldylandygy mälim edildi. Şu möwsümde toparynyň goşa ýeňşine uly goşant goşan Rafinýanyň şertnamasy 2027-nji ýylda tamamlanýardy.

Rafinýa şu möwsümde ähli ýaryşlary hasaba alanyňda 56 oýunda 34 gol geçirdi we 25 gola-da asist etdi.

Karýerasy boýunça “Witoriýa de Gimaraýnş”, “Sporting”, “Renn” hem-de “Lids Ýunaýted” toparlarynda oýnan Rafinýa 2022-nji ýylyň tomsunda “Barselonanyň” düzümine goşulypdy.

Gyzykly bolup bilerЕЩЕ ОТ АВТОРА