ABŞ-nyň Prezidenti Donald Tramp “Truth Social” jemgyýetçilik tory arkaly Beýik Britaniýanyň Patyşasy Karl III-niň 27-30-njy aprel aralygynda ABŞ-a döwlet saparyny amala aşyrjakdygyny habar berdi.
“Melaniýa Tramp we men Beýik Britaniýanyň Patyşasynyň we Şa zenanynyň 27-30-njy aprel aralygynda ABŞ-a taryhy döwlet sapary bilen geljekdiklerini yglan etmäge şatdyrys. Bu saparyň dowamynda 28-nji aprel agşamy Ak Tamda dabaraly kabul edişlik geçiriler” diýip, ol belledi.
Prezident Tramp bu saparyň, aýratyn-da, şu ýyl bellenilýän Amerikanyň Birleşen Ştatlarynyň 250 ýyllygy nukdaýnazaryndan taryhy waka boljakdygyny nygtady. Şeýle hem ol Britaniýanyň Patyşasyna bolan hormatyny beýan edip, olar bilen duşuşmaga sabyrsyzlyk bilen garaşýandygyny aýtdy.

Gyzykly bolup bilerЕЩЕ ОТ АВТОРА