Her ýy­lyň 24-nji okt­ýab­ryn­da Bir­le­şen Mil­let­ler Gu­ra­ma­sy­nyň gü­ni bel­le­ni­lip ge­çil­ýär. Bu se­ne hal­ka­ra gu­ra­ma­nyň 1945-nji ýy­lyň 24-nji okt­ýab­ryn­da res­mi taý­dan işe baş­la­ma­gy bi­len bag­la­ny­şyk­ly­dyr (as­lyn­da, BMG-ni dö­ret­mek ha­kyn­da­ky Düz­gün­na­ma 1945-nji ýy­lyň 26-njy iýu­nyn­da tas­syk­la­nyl­ýar). 1947-nji ýyl­da BMG-niň Baş As­samb­le­ýa­sy ta­ra­pyn­dan res­mi taý­dan yg­lan edi­len bu se­ne 1971-nji ýyl­da hal­ka­ra baý­ram­çy­lyk hök­mün­de yk­rar edil­ýär. Bu baý­ram­çy­lyk my­na­sy­bet­li gu­ra­ma ag­za äh­li döw­let­ler­den myh­man hök­mün­de we­ki­li­ýet­ler ça­gy­ryl­ýar. Baý­ram­çy­ly­gyň çä­gin­de fo­rum­lar, pi­kir alyş­ma­lar, bi­li­mi ös­dür­mek bi­len bag­la­ny­şyk­ly okuw prog­ram­ma­la­ry ge­çi­ril­ýär. Şeý­le hem me­de­ni ýar­mar­ka­lar, glo­bal me­se­le­le­re we me­de­ni däp-des­sur­la­ra dü­şün­mä­ge iter­gi ber­ýän çä­re­ler gu­ral­ýar. Çä­re­ler­de, esa­san, ýaş­la­ryň or­ny uly bo­lup, ösüp gel­ýän ýaş ne­sil­ler çy­kyş­la­ryn­da öz ga­ra­ýyş­la­ry­ny be­ýan ed­ýär­ler.
Bir­le­şen Mil­let­ler Gu­ra­ma­sy­nyň gü­nü­niň bu ýyl­ky esa­sy te­ma­sy «Gel­je­gi­mi­zi bi­le­lik­de gur­ýarys» bo­lup, ýaş­lar üçin «Pa­ra­hat­çy­lyk­ly dün­ýä üçin he­re­ket ediň!» şy­ga­ry hem ula­nyl­ýar. Bu şy­gar ýaş­la­ryň dün­ýä­dä­ki pa­ra­hat­çy­ly­gy we hyz­mat­daş­ly­gy ös­dür­mä­ge go­şant goş­ma­gy­ny ala­mat­lan­dyr­ýar. Şu gün­ler Bir­le­şen Mil­let­ler Gu­ra­ma­sy­nyň esas­lan­dy­ryl­ma­gy­nyň 80 ýyl­ly­gy dün­ýä­niň bir­nä­çe döw­let­le­rin­de hem-de ata Wa­ta­ny­myz Türk­me­nis­tan­da ulu­dan bel­le­ni­lip ge­çil­ýär. Türk­me­nis­tan Bir­le­şen Mil­let­ler Gu­ra­ma­sy­na ag­za­ly­ga ka­bul edi­len gü­nün­den bä­ri, hal­ka­ra gu­ra­ma bi­len sy­ýa­sy, yk­dy­sa­dy, daş­ky gur­şaw, me­de­ni-yn­san­per­wer ugur­lar­da kö­pu­gur­ly hyz­mat­daş­ly­gy alyp bar­ýar. Hal­ka­ra gu­ra­ma­nyň dö­re­di­len gü­ni my­na­sy­bet­li ýur­du­myz­da kon­fe­ren­si­ýa­lar, fo­rum­lar, öza­ra pi­kir alyş­ma­lar, ser­gi­ler, me­de­ni çä­re­ler we aý­dym-saz­ly da­ba­ra­lar ge­çi­ril­ýär. Baý­ram­çy­lyk çä­re­le­rin­de hem-de da­ba­ra­lar­da Türk­me­nis­tan bi­len BMG-niň ara­syn­da­ky kö­pu­gur­ly hoş­ni­ýet­li hyz­mat­daş­lyk, dün­ýä­de pa­ra­hat­çy­ly­gy üp­jün et­mek bi­len bag­ly Gahryman Arkadagymyz, Arkadagly Gahryman Serdarymyz tarapyndan al­nyp ba­ryl­ýan dün­ýä de­re­je­sin­dä­ki iş­le­riň was­py ýe­ti­ril­ýär.
Ýur­du­my­zyň baş­lan­gy­jy bi­len 2025-nji ýy­l BMG-niň Baş As­samb­le­ýa­sy ta­ra­pyn­dan «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­di. Hal­ka­ra pa­ra­hat­çy­lyk we yna­nyş­mak ýy­lyn­da iki mö­hüm se­nä­niň – BMG-niň Baş As­samb­le­ýa­sy­nyň Ka­rar­na­ma­la­ry bi­len üç ge­zek yk­rar edi­len Türk­me­nis­ta­nyň he­mi­şe­lik Bi­ta­rap­ly­gy­nyň şan­ly 30 ýyl­ly­gy­nyň hem-de Bir­le­şen Mil­let­ler Gu­ra­ma­sy­nyň esas­lan­dy­ryl­ma­gy­nyň 80 ýyl­ly­gy­nyň ga­bat gel­me­gi aý­ra­tyn bel­len­mä­ge my­na­syp­dyr. Türk­me­nis­ta­nyň Bir­le­şen Mil­let­ler Gu­ra­ma­syn­da­ky işin­de oňyn Bi­ta­rap­lyk, gap­ma-gar­şy­lyk­la­ry we dü­şü­niş­mez­lik­le­ri di­ňe pa­ra­hat­çy­lyk­ly, sy­ýa­sy-dip­lo­ma­tik ýol­lar ar­ka­ly çöz­mek ýö­rel­ge­le­ri­ne üýt­gew­siz yg­rar­ly­dy­gy­ny nyg­ta­mak ge­rek.
Dur­nuk­ly Ösüş Mak­sat­la­ry­ny (17 ugur) alyp bar­ýan bu gu­ra­ma­nyň 193 ag­za­sy bo­lup, dün­ýä­de pa­ra­hat­çy­ly­gy we hal­ka­ra hyz­mat­daş­ly­gy ös­dür­mek­de uly or­ny eýe­le­ýär. Dün­ýä­de mil­li­on­lar­ça ada­ma azyk we luk­man­çy­lyk kö­me­gi­ni ber­ýän hal­ka­ra gu­ra­ma­nyň ştab-kwar­ti­ra­sy Nýu-Ýork şä­he­rin­de, Ýew­ro­pa­da­ky mer­ke­zi Že­ne­wa şä­he­rin­de hem-de Mer­ke­zi Azi­ýa üçin öňü­ni alyş dip­lo­ma­ti­ýa­sy bo­ýun­ça se­bit mer­ke­zi paý­tag­ty­myz Aş­ga­bat­da ýer­leş­ýär. BMG-niň 6 sa­ny res­mi di­li (arap, hy­taý, iň­lis, fran­suz, rus we is­pan) bo­lup, hal­ka­ra fo­rum­lar­da şu dil­ler­de çy­kyş edil­ýär. Gu­ra­ma Baş As­samb­le­ýa, Howp­suz­lyk Ge­ňe­şi, Yk­dy­sa­dy we Dur­muş Ge­ňe­şi (ECOSOC), Hal­ka­ra Ka­zy­ýet hem-de Sek­re­ta­ri­at ýa­ly dü­züm­ler­den yba­rat­dyr. Bir­le­şen Mil­let­ler Gu­ra­ma­sy bir­nä­çe ge­zek Pa­ra­hat­çy­lyk bo­ýun­ça No­bel baý­ra­gy bi­len sy­lag­la­nyl­dy.

Gyzykly bolup bilerЕЩЕ ОТ АВТОРА