Çagalar – ýurdumyzyň röwşen geljegi

Ýur­du­myz­da Arkadagly Gahryman Serdarymyzyň pa­ra­sat­ly baştutanlygynda gu­rul­ýan ça­ga­lar bak­ja-bag­la­ry­nyň daş­ky keş­bi gö­zel te­bi­gat bi­len saz­laş­ýar. Kör­pe­je­ler bu me­kan­da dö­re­di­ji­li­ge bo­lan gy­zyk­lan­ma­ny, bi­lim al­ma­gy, tä­ze­lik­le­ri öw­ren­me­gi ýü­rek­le­ri­ne siň­dir­ýär­ler. Kör­pe­ler gü­nüň do­wa­myn­da gy­zyk­ly oýun­la­ra güý­men­ýär­ler. Ça­ga­lar bak­ja-ba­gyn­da her to­pa­ra ni­ýet­le­nen oýun meý­dan­ça­la­ry­nyň bol­ma­gy kör­pe­le­riň ra­hat dynç al­ma­gy­na ýar­dam ber­ýär.
Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de bag­ty­ýar ýur­du­myz­da ça­ga dog­la­nyn­dan baş­lap, bi­lim-so­wat­ly, bel­li bir hü­nä­riň eýe­si bo­lan kä­mil şah­sy­ýet bo­lup ýe­tiş­me­gi üçin ala­da­lar edil­ýär. Kör­pe­je nes­liň il­kin­ji ar­zu­wy, il­kin­ji gül­kü­si, il­kin­ji pi­kir­le­ri ça­ga­lar bak­ja-bag­la­ryn­da ke­ma­la gel­ýär. Wa­ta­ny­my­zyň äh­li kün­jek­le­rin­de gur­lup ulan­ma­ga be­ril­ýän döw­re­bap ça­ga­lar bag­la­ry di­ňe bir ter­bi­ýä­niň däl, eý­sem, ru­hu­be­lent­li­giň, dö­re­di­ji­li­giň me­ka­ny­dyr.
Mä­hir bi­len gur­şa­lan ça­ga­lar ýur­du­my­zyň gel­je­gi­dir. Ir bi­len ene-ata­sy­nyň elin­den tu­tup, ýyl­gy­ryp ba­gyň ga­py­sy­na ta­rap yl­ga­ýan ça­ga­la­ryň ýü­re­gin­de şeý­le ojak bi­len bag­la­ny­şyk­ly il­kin­ji ýa­kym­ly ýat­la­ma­lar eme­le gel­ýär. Bu pur­sat­lar di­ňe bir ça­ga­lyk döw­rü­ne de­giş­li däl, eý­sem, tu­tuş öm­rüň do­wa­myn­da ýü­rek­de ýa­şa­jak mu­kad­des duý­gu­lar­dyr. Şeý­le ýat­la­ma­lar di­ňe bir dur­muş ha­kyn­da däl, eý­sem, Wa­ta­na bo­lan il­kin­ji buý­san­jyň hem öze­ni­dir. Bu pur­sat­lar ola­ryň dur­muş ýo­lu­na sa­lyn­ýan il­kin­ji nur­ly ýol­dur. Her bir de­giş­me, her bir oýun, her bir aý­dy­lan aý­dym ola­ryň ru­hy ösü­şi­ne tä­sir ed­ýär. Kör­pe nes­liň bag­ty­ýar gel­je­gi üçin gu­rul­ýan ça­ga­lar bag­la­ryn­dan baş­lap, ça­ga­la­ryň ha­ky­da­syn­da mä­hir­li, bag­ty­ýar ýaş nes­liň ös­me­gi üçin dö­re­dil­ýän äh­li şert­ler döw­le­ti­mi­ziň ýaş nes­le goý­ýan yna­my­nyň aý­dyň be­ýa­ny­dyr.
Ça­ga­lar bag­la­ryn­da ýaş nes­liň ös­me­gi, öw­ren­me­gi hem-de dö­re­di­ji­lik bi­len meş­gul­lan­ma­gy üçin döw­re­bap oýun meý­dan­ça­la­ry, dür­li en­jam­lar, dö­re­di­ji­lik otag­la­ry, bi­lim-öw­re­diş gi­ňiş­lik­le­ri ola­ryň her gün­ki dur­mu­şy­na öwüş­gin çaý­ýar. Ça­ga üçin oýun di­ňe bir wagt ge­çir­mek üçin güý­men­je däl, eý­sem, dün­ýä­ni ta­na­ma­gyň, bi­rek-bi­rek bi­len gat­na­şyk gur­ma­gyň, aň-dü­şün­je­le­ri­ni gi­ňelt­me­giň ýo­lu­dyr. Oýun­la­ryň kö­me­gi bi­len ola­ryň duý­gu­sy, dü­şün­je­si, pi­kir­le­ni­şi ke­ma­la gel­ýär. Ter­bi­ýe­çi­ler bol­sa di­ňe bi­lim ber­ýän adam däl, eý­sem, olar ça­ga dün­ýä­si­ne ynam­dar ýol­be­let­dir. Ola­ryň her bir sö­zün­de mä­hir, her bir he­re­ke­tin­de bol­sa gö­rel­de bar. Olar ýaş nes­liň ýü­re­gi­ne ýag­ty­lyk çaý­ýan ýol gör­ke­zi­ji­ler­dir.
Şeý­le ojak­lar­da ge­çi­ri­len gün­ler ça­ga üçin baý­ram­çy­lyk ýa­ly bol­ýar. Aý­dym-saz bi­len ut­gaş­ýan gün ter­ti­bi, oý­nal­ýan oýun­lar, okal­ýan ki­tap­lar, çe­kil­ýän su­rat­lar, öw­re­nil­ýän şy­gyr­lar ola­ryň kal­byn­da uly tä­sir gal­dyr­ýar. Ça­ga­la­ryň çe­per dö­re­di­ji­lik bi­len dö­red­ýän şe­kil­le­ri di­ňe reňk­ler­den yba­rat bol­man, ola­ryň duý­gu­sy­ny we ar­zuw­la­ry­ny be­ýan ed­ýär.
Döw­le­tiň üns-ala­da­sy bi­len gu­rul­ýan bu bag­lar­da her gün ça­ga­la­ryň kal­byn­da tä­ze öwüş­gin dö­re­ýär. Reňk­li di­war­ly otag­lar­da, öw­re­di­ji oýun­la­ryň ara­syn­da, şy­gyr we aý­dym bi­len baý­laş­dy­ry­lan gur­şaw­da her bir ça­ga pa­ra­hat dur­mu­şyň, er­ka­na ýa­şa­ma­gyň, bag­ty­ýar gel­je­giň öwüş­gi­ni­ni duý­ýar. Olar öz­le­ri­ni öw­ren­ýän, dö­red­ýän, tä­sir ed­ýän, ar­zuw ed­ýän adam hök­mün­de duý­ýar­lar.
Ola­ryň dö­red­ýän su­rat­la­ryn­da gel­je­giň keş­bi şe­kil­len­ýär, aýd­ýan aý­dym­la­ryn­da buý­sanç we min­net­dar­lyk ýaň­lan­ýar. Her bir he­re­ket­de, her bir pi­kir­de Wa­ta­na bo­lan söý­gi şöh­le­len­ýär. Her bir söz­de gel­je­ge bo­lan ynam, be­ýik mak­sat­la­ra bo­lan ynan­jyň ny­şa­ny bar. Ine, şeý­le mu­kad­des ýö­rel­ge­ler esa­syn­da gur­lan ça­ga­lar bag­la­ry, di­ňe bir kör­pe­le­riň dün­ýä­si­ne ýag­ty­lyk çaý­mak bi­len çäk­len­män, eý­sem, hal­ky­my­zyň er­ka­na gel­je­gi­niň berk bin­ýa­dy­ny hem pug­ta­lan­dyr­ýar.
Ça­ga­la­ra we gel­jek­ki nes­le şeý­le giň müm­kin­çi­lik­le­ri dö­red­ýän Gahryman Arkadagymyzyň hem-de Arkadagly Gahryman Serdarymyzyň jan­la­ry sag, ömür­le­ri uzak bol­sun, il-ýurt bäh­bit­li tut­ýan be­ýik iş­le­ri ro­waç­lyk­la­ra bes­len­sin!

Ogulsona BOPPYÝEWA,
Aşgabat şäherindäki 12-nji çagalar bakja-bagynyň müdiriniň wezipesini wagtlaýyn ýerine ýetiriji.