Köneürgenç etrabynyň Pagta egriji fabriginiň mejlisler zalynda etrap häkimliginiň, etrabyň jemgyýetçilik guramalarynyň bilelikde guramaklygynda hormatly Prezidentimiziň, Gahryman Arkadagymyzyň daşary ýurtlara iş saparlarynyň ähmiýetine bagyşlanan maslahat geçirildi. Maslahata il sylagly ýaşulular, mährem eneler, edara-kärhanalarda zähmet çekýän halk köpçüligi gatnaşdy. Maslahatyň dowamynda Köneürgenç etrabynyň Derýalyk geňeşliginiň ýaşaýjysy, Türkmenistanyň hormatly il ýaşulysy Rejep Jummulow, TDP-nyň etrap komitetiniň bölüm müdiri Gurbannepes Täçmedow, partiýa guramaçysy Guwanç Hojamedow, TMÝG-nyň etrap Geňeşiniň hünärmeni Gülnahal Dädebaýewa, Akgala daýhan birleşiginiň kärendeçisi Mährem Weljikow, “Köneürgenç” taryhy-medeni döwlet goraghanasynyň hünärmeni, Medeniýet işgärleriniň KA-nyň ilkinji guramasynyň başlygy Gülnur Rejepowa dagylar çykyş etdiler. Çykyş edenler Halkara parahatçylyk we ynanyşmak ýylynda ýurdumyzda halkara hyzmatdaşlygy ösdürmek boýunça ägirt uly işleriň alnyp barylýandygy barada giňişleýin gürrüň berdiler. Hormatly Prezidentimiz Amerikanyň Birleşen Ştatlaryna iş saparynyň dowamynda BMG-niň Baş Assambleýasynyň 80-nji sessiýasynyň ýokary derejeli plenar mejlisine we Täjigistan Respublikasyna iş saparynyň dowamynda “Merkezi Aziýa-Russiýa” ikinji sammitine, Garaşsyz Döwletleriň Arkalaşygynyň döwlet Baştutanlarynyň Geňeşiniň nobatdaky mejlisine gatnaşandygy hem-de Gahryman Arkadagymyz Azerbaýjan Respublikasyna iş saparynyň dowamynda Türki döwletleriň guramasynyň döwlet baştutanlarynyň XII sammitine gatnaşandygy barada aýdyp, ýurdumyz strategik döwletara hyzmatdaşlygy ösdürmek ugrunda möhüm başlangyçlary öňe sürýändigi barada anyk mysallar arkaly gürrüň berdiler. Maslahatyň ahyrynda halkara hyzmatdaşlygy ösdürmek boýunça ägirt uly işleri durmuşa geçirýän hormatly Prezidentimize, Gahryman Arkadagymyza çuňňur hoşallyk sözleri beýan edildi.

Mahmut ÝAZOW, Türkmenistanyň Kärdeşler Arkalaşyklarynyň Köneürgenç etrap birleşmesiniň başlygy.

Gyzykly bolup bilerЕЩЕ ОТ АВТОРА