Daniýanyň bir palataly parlamenti “Folketing” pensiýa ýaşyny tapgyrlaýyn ýokarlandyrmak baradaky kanun taslamasyny tassyklady. Şeýlelikde 2040-njy ýyla çenli pensiýa ýaşy 70-e ýeter. Bu karar 1970-nji ýylyň 31-nji dekabryndan soň doglanlara degişlidir. Häzirki wagtda Daniýada pensiýa ýaşy 67. 2030-njy ýylda ol 68 ýaş, 2035-nji ýylda 69 ýaş, 2040-njy ýylda bolsa 70 ýaş bolar.
2006-njy ýyldan bäri ýurtda pensiýa ýaşyny ömrüň dowamlylygy bilen baglanyşdyrýan ulgam hereket edýär. Bu ulgama görä, eger adamlar uzak ýaşaýan bolsa, pensiýa çykmagyň ýaşy her bäş ýyldan bir ýyl ýokarlanýar. Bu başlangyjy “Folketing”-iň agzalarynyň 81-si goldady, 21-si garşy ses berdi.
2022-nji ýylda hökümet komissiýasy bu düzgüne gaýtadan seretmegi teklip etdi. Ol ömür dowamlylygy bilen pensiýa ýaşynyň arasyndaky baglanyşygy gowşatmagy göz öňünde tutdy. Hünärmenleriň pikiriçe, bu býujetiň durnuklylygyny saklamaga we pensiýa çykmagyň şertlerini aşa kynlaşdyrmagyň öňüni almaga kömek eder.
Bu reformany goldaýanlar, ony üýtgeýän demografiki ýagdaýa uýgunlaşmagyň zerurlygy bilen düşündirýärler – ýurtda ömrüň dowamlylygy ýokarlanýar. Şeýle-de bolsa, bu habary hemmeler ruhubelentlik bilen garşylamadylar. Kärdeşler arkalaşyklarynyň wekilleri eýýäm beýle garrylyga çenli hemmeleriň netijeli işläp bilmejekdigini aýdyp, aladalaryny bildirdiler.

Gyzykly bolup bilerЕЩЕ ОТ АВТОРА