10-njy iýunda ýur­du­my­zyň Da­şo­guz we Bal­kan we­la­ýat­la­ry­nda orak möw­sü­mi­ne ba­dal­ga be­ril­di. 29-njy maý­da ge­çi­ri­len Mi­nistr­ler Ka­bi­ne­ti­niň mej­li­sin­de hor­mat­ly Pre­zi­den­ti­miz Ser­dar Berdimuhamedowyň be­ren ak pa­ta­syn­dan ruh­la­nan eke­ran­çy­lar ös­dü­ri­lip ýe­tiş­di­ri­len be­re­ket­li bug­daý ha­sy­ly­ny gys­ga wagt­da we ýit­gi­siz ýyg­nap al­ma­gy mak­sat edin­ýär­ler.

Da­şo­guz hem-de Bal­kan we­la­ýat­la­ryn­da ora­gyň baş­lan­ma­gy­nyň öňü­sy­ra­syn­da we­la­ýat we et­rap hä­kim­lik­le­ri­niň we­kil­le­ri­niň, tej­ri­be­li ag­ro­nom­la­ryň, me­ha­ni­za­tor­la­ryň, kä­ren­de­çi gal­la­çy­la­ryň gat­naş­ma­gyn­da önüm­çi­lik-okuw mas­la­hat­la­ry ge­çi­ril­di. Ola­ryň gün ter­ti­bi­ne orak möw­sü­mi­ni gu­ra­ma­çy­lyk­ly ge­çir­mek, oňa gat­naş­ýan äh­li teh­ni­ka­la­ryň saz­la­şyk­ly iş­le­me­gi­ni üp­jün et­mek me­se­le­le­ri gi­ri­zil­di. Okuw mas­la­hat­la­ry­na gat­na­şan­lar oba zäh­met­keş­le­ri ba­ra­da­ky he­mi­şe­lik ala­da­sy, oba­se­na­gat top­lu­my­nyň teh­ni­ki taý­dan yzy­gi­der­li en­jam­laş­dy­ryl­ma­gy­na we döw­re­bap­laş­dy­ryl­ma­gy­na gö­nük­di­ri­len öz­gert­me­le­ri, eke­ran­çy­la­ryň my­na­syp dur­muş­da ýa­şa­ma­gy­na, ne­ti­je­li zäh­met çek­me­gi­ne dö­re­di­len şert­ler üçin hor­mat­ly Pre­zi­den­ti­mi­ze tüýs ýü­rek­den ho­şal­lyk bil­dir­di­ler.

2025-nji ýyl­da ýur­du­my­zyň gal­la­çy daý­han­la­ry­nyň 690 müň gek­tar ýer­den azyk­lyk bug­da­ýyň 1 mil­lion 400 müň ton­na­sy­ny ýyg­nap al­ma­gy me­ýil­leş­dir­ýän­dik­le­ri­ni bel­le­mek ge­rek. De­mir­ga­zyk se­bi­tiň eke­ran­çy­la­ry­nyň öňün­de 145 müň gek­tar bug­daý eki­len meý­dan­dan 265 müň ton­na ha­syl al­mak we­zi­pe­si goý­lan­dyr. Gün­ba­tar se­bi­tiň gal­la­çy­la­ry ba­ra­da aý­dy­lan­da, ola­ryň döw­let öňün­dä­ki borç­na­ma­sy 50 müň gek­tar ýer­den 80 müň ton­na bug­daý ha­sy­ly­ny al­ma­ga deň­dir.

Asyl­ly dä­be gö­rä, hor­mat­ly ýa­şu­lu­lar Be­ýik Bi­ri­bar­dan ha­syl möw­sü­mi­niň üs­tün­lik­li ge­çi­ril­me­gi­ni di­leg et­di­ler. Soň­ra il sy­lag­ly ýa­şu­lu­lar ýaş nes­liň we­kil­le­ri­niň uza­dan orak­la­ry­ny alyp, “Har­ma­ny­ňy­za be­re­ket, çä­ji­ňi­ze be­re­ket!” di­ýen söz­ler bi­len il­kin­ji bug­daý sün­bül­le­ri­ni or­du­lar hem-de or­lan bug­daý bog­da­gy­ny kom­baýn­çy­la­ra ber­di­ler.

Daý­han­lar be­re­ket­li ha­sy­ly ýe­tiş­dir­mek üçin yh­las­ly zäh­met çek­di­ler. Güýz­lük bug­da­ýa ag­ro­teh­ni­ki ka­da­la­ra la­ýyk­lyk­da ideg et­mek bo­ýun­ça ze­rur iş­ler ge­çi­ril­di. Şun­da bug­da­ýyň se­bit­le­riň top­rak-ho­wa şert­le­ri­ne oňyn uý­gun­la­şan, bol ha­syl ber­ýän gör­nüş­le­ri ekil­di. Ýo­ka­ry kuw­wat­ly­ly­gy we ön­dü­ri­ji­li­gi bi­len ta­pa­wut­lan­ýan kom­baýn­lar bug­daý meý­dan­la­ryn­da he­re­ke­te geç­di­ler. Ola­ry äti­ýaç­lyk şaý­la­ry, ýan­gyç we çal­gy ýag­la­ry bi­len abat­la­ýyş-me­ha­ni­ki to­par­lar üp­jün eder­ler. Ýük aw­tou­lag­la­ry bug­daý ha­sy­ly­ny ka­bul ediş no­kat­la­ry­na, am­mar­la­ra we ele­wa­tor­la­ra da­şar­lar. “Türk­mens­tan­dart­la­ry” baş döw­let gul­lu­gy­nyň bar­lag­ha­na­la­ry hem do­ly taý­ýar­lyk ýag­da­ýyn­da. Ola­ryň hü­när­men­le­ri iň tä­ze en­jam­la­ryň kö­me­gi bi­len meý­dan­lar­dan ge­lip go­wuş­ýan dä­nä­niň hi­li­ni des­sin kes­git­lär­ler.

Me­ha­ni­za­tor­lar, sü­rü­ji­ler, ora­ga gat­naş­ýan beý­le­ki iş­gär­ler üçin hök­ma­ny bo­lan zäh­me­ti go­ra­mak we ýan­gyn howp­suz­ly­gy bo­ýun­ça gö­zük­dir­me iş­le­ri ge­çi­ril­di. Meý­dan dü­şel­ge­le­rin­de olar üçin de­giş­li dur­muş şert­le­ri dö­re­dil­di. Me­de­ni­ýet iş­gär­le­ri­niň çy­kyş­la­ry, göç­me söw­da no­kat­la­ry­nyň işi gu­ral­dy.

Şeý­le­lik­de, ýur­du­my­zyň de­mir­ga­zyk we gün­ba­tar se­bit­le­rin­de ha­syl möw­sü­mi­ne ba­dal­ga ber­mek da­ba­ra­la­ry öz­bo­luş­ly baý­ram­çy­ly­ga öw­rül­di. Da­ba­ra­la­ryň çäk­le­rin­de oba­se­na­gat top­lu­my­nyň önüm­le­ri­niň ser­gi­si gu­ra­lyp, olar­da hä­zir­ki za­man oba ho­ja­lyk teh­ni­ka­la­ry­nyň nus­ga­la­ry gör­ke­zil­di. Şeý­le hem sun­gat us­sat­la­ry­nyň kon­ser­ti gu­ral­dy.

Gyzykly bolup bilerЕЩЕ ОТ АВТОРА