Dil öw­ren­me­giň 7 usu­ly

Başga di­li öw­ren­mek di­ňe bir tä­ze söz­le­ri özleşdirmek bi­len çäk­len­män, eý­sem, şol dil­dä­ki hal­kyň ta­ry­hy, me­de­ni­ýe­ti we däp-des­sur­la­ry bi­len ta­nyş­ma­ga hem müm­kin­çi­lik ber­ýär. Köp­ler tä­ze di­li şol dil­dä­ki eser­le­ri oka­mak ýa-da şol dil­de gep­le­ýän halk bi­len dü­şü­niş­mek üçin öw­ren­ýär­ler. Em­ma dil öw­ren­mek dur­muş­da, okuw­da ýa-da iş­de hem uly ýe­ňil­lik­le­ri dö­red­ýär. Hü­när­men­ler tä­ze dil öw­ren­me­giň 7 usu­ly­ny sal­gy ber­ýär­ler.
Mak­sat goý­mak. Da­şa­ry ýurt di­li­ni öw­re­ne­niň­de bel­li bir mak­sa­dyň bol­ma­gy örän mö­hüm­dir. Mak­sa­dy­ňy kes­git­le­mek di­li nä­mä­niň üs­ti bi­len öw­ren­me­li­di­gi­ňi we nä­me­ler­den baş­la­ma­ly­dy­gy­ňy aý­dyň­laş­dyr­ýar. Il­ki bi­len özü­ňiz­iň tä­ze di­li öw­ren­mek is­le­ýän­di­gi­ňi­zi anyklama­ly­sy­ňyz. My­sal üçin, fran­suz­ça aý­dym aýt­mak is­le­ýäň­mi? Şon­dan soň­ra öňüň­de bel­li bir mak­sat go­ýup, tä­ze dil öw­ren­mä­ge gi­riş­me­li.
Öz­baş­dak öw­ren­mek. Başga di­li tiz wagt­da öz­leş­dir­me­giň iň tä­sir­li usu­ly ki­no­film­le­re ýa-da mult­film­le­re se­re­dip, şol dil­dä­ki gep­le­şi­gi öw­ren­mek­dir. Tä­ze di­li ki­tap­dan bol­şy ýa­ly öw­ren­mek, gram­ma­tik düz­gün­le­ri­ni ýat tut­mak has kyn usul ha­sap­lan­ýar. Mu­nuň de­re­gi­ne gün­de­lik ýa-da bel­lik dep­de­ri­ni tu­tup, tej­ri­be ar­ka­ly öw­re­nen zat­la­ry­ňy, söz­le­ri­ňi we söz­lem­le­ri­ňi ýaz­mak has aň­sat ha­sap­lan­ýar. Mun­dan baş­ga-da, şol dil­de gep­leş­mek, aý­dym diň­le­mek, ki­çi­jik eser­le­ri oka­mak hem tä­ze dil öw­ren­me­gi aň­sat­laş­dyr­ýar.
Öw­ren­ýän di­liň­de pi­kir­len­mek. Öw­ren­ýän di­liň­de pi­kir­len­mä­ge sy­na­nyş­mak şol di­le bo­lan ga­raý­şy­ňy üýt­ged­ýär. Özü­ňi ar­ka­ýyn du­ýup, köp za­dy şol dil­de pi­kir edip baş­la­ýar­syň. Bu bol­sa, di­liň te­bi­gy gur­lu­şy­na dü­şün­mä­ge, şol dil­de gep­le­mek uky­by­ňy ös­dür­mä­ge ýar­dam ed­ýär.
Ýal­ňyş­lyk goý­ber­mek­den gork­maz­lyk. Is­len­dik bir zat öw­re­ni­len­de el­bet­de köp ýal­ňyş­lyk goý­be­ril­ýär. Ýö­ne mu­nuň üçin ruh­dan düş­me­li däl. Ýal­ňyş­lyk kä­mil­leş­mä­ge we güýç­len­mä­ge ýar­dam ed­ýär. Bu tä­ze dil öw­re­ni­len­de hem şeý­le. Tä­ze dil­dä­ki söz­le­ri dog­ry aý­dyp bil­mez­lik­den, dog­ry okap, gep­läp bil­mez­lik­den gork­ma­ly däl.
Köp oka­mak. Mak­sat edi­nen di­liň­de ki­taby näçe köp oka­saň, şon­ça-da köp öw­re­ner­siň. Oka­mak söz we söz­lem­le­riň gram­ma­tik gur­lu­şy­na has iç­gin dü­şün­mä­ge ýar­dam ed­ýär. Şol bir teks­ti öz ene di­liň­de we öw­ren­ýän di­liň­de oka­mak hem peý­da­ly­dyr.
Ses­li ki­tap­la­ry diň­le­mek we ýazmak. Tä­ze di­li çalt öw­ren­me­giň ýe­ne bir usu­ly ses­li ki­tap­la­ry diň­le­mek­dir. Ses­li ki­tap­lar söz, ba­sym, äheň, la­byz taý­dan şol di­le has aň­sat dü­şün­mä­ge ýar­dam ed­ýär. Ses­li ki­tap­da ün­sü­ňi jem­läp, kä­bir se­tir­le­ri gaý­ta­lap hem öw­re­nip bol­ýar.
Bellik etmek we kä­bir söz­le­ri ýaz­mak en­di­gi­ni ýo­la goý­mak hem tä­ze dil öw­ren­me­giň mö­hüm bö­le­gi­dir. Dil öw­re­ni­len­de şol dil­de söw­da dü­ka­nyn­dan al­ma­ly zat­la­ryň sa­na­wy­ny, okuw me­ýil­na­ma­sy­ny ýa­zyp bi­ler­si­ňiz. Şeý­le hem dost­la­ry­ňyz bi­len şol dil­de hat al­şyp hem bi­ler­si­ňiz. Ýaz­mak gram­ma­tik taý­dan şol di­le dü­şü­ni­şi­ňi we söz baý­ly­gy­ňy ka­gy­za ge­çir­mä­ge müm­kin­çi­lik ber­ýär.
Gaý­ta­la­mak. Söz baý­ly­gy­ny art­dyr­mak­da gaý­ta­la­ma­gyň örän uly peý­da­sy bar­dyr. Her gün tä­ze söz öw­re­nip, wag­tyň geç­me­gi bi­len bu söz­le­ri gaý­ta­lap, ýat­keş­li­gi­ňi­zi ösdürip bi­ler­si­ňiz. Gaý­ta­la­mak öw­re­nen zat­la­ry­ňy uzak wagt­lap ýat­da sak­la­ma­ga müm­kin­çi­lik ber­ýär.