Ber­ka­rar döw­le­ti­mi­ziň bag­ty­ýar­lyk döw­rün­de hor­mat­ly Pre­zi­den­ti­mi­ziň ta­gal­la­la­ry ne­ti­je­sin­de hal­kymyzyň ga­dy­my dö­wür­den göz­baş alýan mil­li däp-des­sur­la­ry­, mu­kad­des ýö­rel­ge­le­ri uly sar­pa goý­lup, giň ge­rim­de do­wam et­di­ril­ýär. Her ýy­lyň okt­ýabr aýy­nyň ba­şyn­da Ýa­şu­lu­la­ryň Hal­ka­ra gü­ni ýur­du­myz­da da­ba­ra­ly bel­le­ni­lip ge­çil­ýär. Bu bol­sa ýa­şu­ly nes­le aý­ra­tyn hor­mat goý­mak­dan ny­şan­dyr.
Hal­ky­myz­da ýa­şu­ly nes­le hor­mat goý­mak, ola­ryň sar­pa­sy­ny be­lent tut­mak ga­dym­dan gel­ýän des­sur­dyr. Bu des­sur ah­lak gym­mat­ly­gy­my­zyň iň gu­wa­nar­lyk­ly berk sü­tün­le­ri­niň bi­ri­dir. Ne­sil­le­riň bi­ri-bi­ri­ne goý­ýan sar­pa­sy­nyň, ýag­ny ýaş­ki­çi nes­liň ýa­şu­ly nes­le bo­lan sy­la­g-hor­ma­ty­nyň öze­nin­de ag­zy­bir­lik, je­bis­lik jem­le­nen­dir.

Türk­men hal­ky­nyň kä­mil ýö­rel­ge­le­ri­niň bi­ri-de ulu­sy­ny sy­la­mak, ýa­şu­lu­sy­na sa­la sa­lyp, her bir iş­de şo­la­ryň mas­la­ha­ty­na, ne­si­ha­ty­na eýer­mek dä­bi­dir.
Go­ja paý­ha­sy – gym­mat­ly ha­zy­na. Go­ja paý­ha­sy – her bir öýüň, tu­tuş ýur­duň sö­ýe­gi. Ýur­du­myz­da da­ba­ra­sy ulu­dan tu­tul­ýan toý-baý­ram­la­ryň ýa­ra­şy­gy-da bi­ziň ýa­şu­ly nes­li­miz. Ne­sil­le­ri­mi­ze pe­der pen­di­ni ber­ýän hem, toý et­me­giň, öý tut­ma­gyň mas­la­hat­çy­sy hem bi­ziň go­ja­la­ry­myz. Şeý­le bo­lan­soň, ola­ryň or­ny he­mi­şe tö­rü­miz­de. Se­bä­bi kä­mil­li­ge gol be­ren ýa­şu­lu­la­ry­my­zyň paý­has ele­gin­den sy­zy­lyp çy­kan mas­la­hat­la­ry adam­la­ryň dur­muş aka­ba­sy­nyň has ak­gyn­ly bol­ma­gy­na oňyn tä­sir ed­ýär. Da­na pe­der­le­ri­mi­ziň: «Ge­ňe­şe­ne giň dün­ýä» ýa-da «Ulu­sy­ny sy­lan beg bo­lar…» di­ýip ne­si­hat edi­şi ýa­ly, ge­çi­ril­ýän ge­ňeş­de aý­dy­lan mas­la­hat­lar, edi­len ne­si­hat­lar hem akyl-paý­has taý­dan, dur­muş tej­ri­be­si jäht­den yn­sa­nyň göz­ýe­ti­mi­ni gi­ňelt­mek, aňy­ýe­ti­ni kä­mil­leş­dir­mek bi­len bir­lik­de, tu­tuş dün­ýä­mi­ze nur çaý­ýar, ab­raý-mer­te­bämizi äle­me ýaý­ýar.
Mil­le­ti­mi­ziň ir­ki dö­wür­ler­den bä­ri do­wam edip gel­ýän ýa­şu­lu­lar bi­len ge­ňeş­mek dä­bi ýurt de­re­je­sin­de hem do­wam etdirilýär. Adat­ça, bü­tin ýur­duň, hal­kyň yk­ba­ly bi­len bag­ly me­se­le ýü­ze çy­kan­da ýa-da tä­ze han saý­la­nan­da ça­gy­ryl­ýan mas­la­hat­la­ra iliň öňü­ne dü­şen han-beg­ler, äh­li oba­la­ryň ket­hu­da­la­ry, il için­de sy­lag­ly ýa­şu­lu­lar gat­na­şyp­dyr­lar.
Öz­le­ri­niň akyl-pa­ra­sa­dy, baý dur­muş tej­ri­be­si bi­len öý-oja­gy­na, oba-ken­di­ne gö­rel­de bol­ýan, ýaş ne­sil­le­re öwüt-ün­dew ed­ýän ýü­zi nu­ra­na ýa­şu­lu­lar bi­ziň dur­mu­şy­my­za ýal­kym saç­ýan şam­çy­rag my­sa­ly­dyr. Pä­him-paý­ha­syň oja­gy ha­sap­lan­ýan ak­sak­gal­lar öz­le­ri­niň gy­zyl­dan gym­mat­ly pent-ne­si­hat­la­ry bi­len hal­kyň ara­syn­da ha­lal­lyk, päk­lik, Wa­ta­na we­pa­ly­lyk, ag­zy­bir­lik ýa­ly hä­si­ýet­le­ri ün­de­ýär­ler. Şeý­di­bem olar ne­sil ter­bi­ýe­si­niň bar­ha kä­mil­leş­me­gi­ne my­na­syp go­şant go­şup, hä­zir­ki dö­wür­de gur­ýan ra­ýat jem­gy­ýe­ti­mi­ziň paý­has sü­tü­ni bo­lup dur­ýar.
Türk­men hal­ky­nyň ulu­sy­ny sy­la­mak, ola­ra sa­la sal­mak, ola­ryň mas­la­ha­ty­na eýer­mek ýa­ly asyl­ly ýö­rel­ge­si­niň, däp-des­su­ry­nyň ga­dy­my dö­wür­den bä­ri ne­sil­me-ne­sil do­wam et­di­ri­lip gel­ýän­di­gi­ne ede­bi mi­ra­sy­my­za, halk dö­re­di­ji­lik eser­le­ri­ne ser sa­la­nyň­da hem göz ýe­tir­mek bol­ýar. Bu ba­bat­da «Gor­kut ata», «Gö­rog­ly» eser­le­ri, halk des­san­la­ry yg­ty­bar­ly çeş­me­dir.
Türk­men hal­ky­myz: «Gar­ry­ly il – gaz­na­ly il» di­ýen pä­hi­mi dö­ret­mek bi­len, go­ja paý­ha­sy­ny öýü­niň sö­ýe­gi ha­sap­la­ýar. Ne­sil­le­re ter­bi­ýe be­ren­le­rin­de bol­sa he­mi­şe pe­der pen­di­ne uý­ma­gy ne­si­hat ed­ýär. Türk­me­niň bu mil­li dä­bi­niň ýe­ne-de ga­dy­my­ýe­te uza­ýan­dy­gy­ny akyl­dar şa­hy­ry­myz Mag­tym­gu­ly Py­ra­gy­nyň:
Ne ajap döw­ran­lar sü­ren,
Ýag­şy-ýa­man ba­ryn gö­ren,
Bi­ziň bi­len hem­ra ýö­ren,
Ak­sak­gal­lar, bak, da­na­dyr –
di­ýen çuň­ňur paý­ha­sa ýug­ru­lan se­tir­le­ri-de tas­syk­la­ýar. Bi­ziň hal­ky­myz hem my­da­ma ýa­şu­lu­la­ra uly sar­pa go­ýup ýa­şap­dyr. Şo­nuň üçin-de olar hak­da «Uly baş­lar – ki­çi iş­lär», «Ede­biň ýag­şy­sy – uly­ny sy­la», «Ulu­sy bol­ma­dy­gyň – ki­çi­si bol­maz» di­ýen ýa­ly na­kyl­lar dö­räp­dir. Ýa­şu­lu­la­ryň öwüt-ne­si­hat­la­ry, da­na pent­le­ri ýaş ne­sil­ler üçin öz­bo­luş­ly mek­dep­dir.
Bi­ziň Ga­raş­syz ýur­du­myz­da her bir aja­ýyp iş­ler ýa­şu­lu­la­ryň ak pa­ta ber­me­gi bi­len baş­lan­ýar. Is­le, gal­la eki­şi, go­wa­ça eki­şi bol­sun, «Ak ker­wen» da­ba­ra­sy bol­sun, ola­ra ýa­şu­lu­lar gat­na­şyp, şol iş­le­re ba­dal­ga ber­ýär­ler.
Ýur­du­myz­da her ýyl­da ge­çi­ril­ýän Halk Mas­la­ha­tyn­da hor­mat­ly Pre­zi­den­ti­miz ak­sak­gal ýa­şu­lu­la­ry­my­za sa­la sa­lyp, döw­let äh­mi­ýet­li iş­le­ri ge­ňeş­li çöş­ýär. Çün­ki ýa­şu­lu­lar il için­de bo­lup, il-gü­nüň ýag­da­ýyn­dan ha­bar­ly adam­lar. Olar ýaş ne­sil­le­riň ara­syn­da öwüt-ne­si­hat iş­le­ri­ni ge­çi­rip, ola­ryň her hi­li ýa­ra­maz en­dik­ler­den daş­da bo­lup, ýur­duň akyl­ly, asyl­ly ra­ýat­la­ry bo­lup ýe­tiş­mek­le­ri üçin ta­gal­la ed­ýär­ler. Ola­ryň pent-ne­si­hat­la­ry-da, öz ýa­şan ömür­le­ri-de ýaş ne­sil­le­re uly gö­rel­de­dir, nus­ga­dyr.
Ýa­şu­lu­lyk – öm­rüň güý­zi. Güýz pa­syl­lar içi­niň se­re­si bol­sa, buý­sanç­ly baş­la­ra «ak ga­ry­ny se­pe­le­ýän» gar­ry­lyk – ömür da­rag­ty­nyň ha­syl ge­tir­ýän döw­ri. Ma­ny­ly öm­rüň ag­ram­ly bö­le­gi­ni ger­de­ne atyp ýa­şaý­şyň ýag­şy­lyk­la­ry­na gu­wa­ny­lyp ýa­şal­ýan dö­wür bu. Özem her ýa­şa­lan gün­de dur­mu­şyň ha­lal ýol­la­ryn­dan söh­bet edi­lip, ýaş ne­sil­le­riň ýag­şy­ny-ýa­ma­ny akyl­ly-baş­ly sel­jer­me­gi, päk­li­gi ýol­daş edin­me­gi üçin ýa­da­man ýal­tan­man öwüt-ün­dew edil­ýän dö­wür. Şo­nuň üçi­nem, gar­ry­ly­kdan hem-de gar­ry­la­ra ge­liş­ýän bu ala­da­dan göw­nü­hoş şa­hy­ryň:
«Dil­le­ri se­na­ly gar­ry­lar ge­rek»- di­ýen söz­le­ri­ni bi­ziň her bi­ri­miz müň ke­rem mam­la ha­sap­la­ýa­rys. Hor­mat­ly Pre­zi­den­ti­miz ýa­şu­lu­lyk mü­çe­si­ne ýe­ten pa­ra­sat­ly ata-ene­le­ri­mi­ze, ma­ma-ba­ba­la­ry­my­za uly hor­mat-sar­pa goý­ýar. Ony mil­li se­ne­na­ma bo­ýun­ça her ýy­lyň okt­ýabr aýy­nyň 1-in­de Ýa­şu­lu­la­ryň Hal­ka­ra gü­nü­niň bel­len­me­gin­de hem gör­ýä­ris. Hal­ky­myz bu se­nä­ni dur­muş mek­de­bi­niň da­na mu­gal­lym­la­ry bo­lan ýa­şu­lu­la­ra go­ýul­ýan my­na­syp hor­mat-sy­la­gyň, söý­gi-sar­pa­nyň, pä­him-paý­has­ly­ly­gyň baý­ra­my hök­mün­de bel­läp geç­ýär.

An­na­gel­di Sa­ry­ýew,
Türk­men döw­let yk­dy­sa­dy­ýet we
do­lan­dy­ryş ins­ti­tu­ty­nyň mu­gal­ly­my.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА