Gah­ry­man Ar­ka­da­gy­my­zyň we Ar­ka­dag­ly Gahryman Ser­da­ry­my­zyň taý­syz ta­gal­la­la­ry bi­len Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ýur­du­my­zyň haý­sy ul­ga­my­ny al­sa­ň-da, onuň kä­mil­lik de­re­je­si­ne ýe­ten­di­gi­niň şa­ýa­dy bol­ýar­syň.
Ýur­du­myz­da açy­lyp ulan­ma­ga be­ril­ýän tä­ze, döw­re­bap oba­lar we şä­her­çe­ler hal­ky­my­zyň ýa­şa­ýyş-dur­muş de­re­je­si­ni has-da ýo­kar­lan­dyr­ýan­dy­gy­nyň aý­dyň su­but­na­ma­sy­dyr. Ýa­kyn­da Ahal we­la­ýa­ty­nyň Ak bug­daý et­ra­by­nyň Öňal­dy ge­ňeş­li­gin­de Döw­let­li me­kan oba­sy­nyň, Da­şo­guz we­la­ýa­ty­nyň Kö­ne­ür­genç et­ra­by­nyň Tä­ze ýol ge­ňeş­li­gi­niň çä­gin­de Bi­ta­rap­lyk şä­her­çe­si­niň hem-de Ahal we­la­ýa­ty­nyň Ka­ka et­ra­by­nyň Gow­şut ge­ňeş­li­gin­de Bagt­ly za­ma­na oba­sy­nyň açyl­ma­gy my­na­sy­bet­li gu­ra­lan da­ba­ra­lar mu­kad­des Ga­raş­syz­ly­gy­my­zyň 34 ýyl­lyk baý­ra­my­nyň öň ýa­nyn­da ha­ky­ky toý wa­ka­la­ry­na öw­rül­di.
Bagt­ly za­ma­na oba­sy 400 sa­ny döw­re­bap ýa­şa­ýyş ja­ýy­ny, 640 orun­lyk or­ta mek­de­bi, 320 orun­lyk ça­ga­lar ba­gy­ny, söw­da mer­ke­zi­ni, ge­ňeş­li­giň eda­ra bi­na­sy­ny özün­de jem­le­ýär. Döw­let­li me­kan oba­syn­da edil şo­nuň ýa­ly, 400 sa­ny ýa­şa­ýyş ja­ýy, ge­ňeş­li­giň eda­ra bi­na­sy, sag­lyk öýi, 640 orun­lyk or­ta mek­dep, 320 orun­lyk ça­ga­lar ba­gy, söw­da mer­ke­zi bar. Ol ýer­de döw­re­bap ýol-ulag, ara­gat­na­şyk, suw, elekt­rik, gaz üp­jün­çi­lik hem-de la­gym ul­gam­la­ry göz öňün­de tu­tu­lyp­dyr. Bi­ta­rap­lyk şä­her­çe­sin­de 400 sa­ny döw­re­bap ýa­şa­ýyş ja­ýy, ge­ňeş­li­giň eda­ra bi­na­sy, hyz­mat­lar öýi, ara­gat­na­şyk bö­lü­mi, 420 orun­lyk or­ta mek­dep, 160 orun­lyk ça­ga­lar ba­gy, 200 orun­lyk me­de­ni­ýet öýi, sag­lyk öýi, 500 orun­lyk toý me­ka­ny, şeý­le hem önüm­çi­lik mak­sat­ly hä­zir­ki za­man des­ga­la­ry bar.
Hal­ka­ra öl­çeg­le­re la­ýyk gel­ýän bu des­ga­lar türk­men gur­lu­şyk­çy­la­ry­nyň, türk­men te­le­ke­çi­le­ri­niň güý­ji bi­len bi­na edil­di. Mu­nuň özi aý­ra­tyn bel­len­mä­ge my­na­syp­dyr. Bu aja­ýyp iş­le­riň hem­me­si hal­ky­my­zyň bag­ty­ýar dur­muş­da ýa­şa­ma­gy üçin edil­ýän yh­las-ala­da­la­ryň ne­ti­je­si­dir.

Zylyha AGAJANOWA,
Türkmen döwlet binagärlik-gurluşyk institutynyň talyby.

Gyzykly bolup bilerЕЩЕ ОТ АВТОРА